កីឡា
យប់នេះម្ចាស់ផ្ទះកាតារធ្វើការធ្ងន់ប៉ះអ៊ីរ៉ង់ដើម្បីវគ្គផ្ដាច់ព័្រត្រ Asian Cup
វេលាម៉ោង១០យប់នេះជាការប្រកួតវគ្គពាក់កណ្តាលផ្តាច់ព្រ័ត្រ AFC Asian Cup 2023 ដើម្បីរកជើងខ្លាំងទៅជួបហ្សកដានីនៅវគ្គផ្តាច់ព្រ័ត្រ រវាងក្រុមម្ចាស់ផ្ទះកាតារ និងក្រុមអុីរ៉ង់ដែលបានក្លាយជាការងារដ៏ធ្ងន់សម្រាប់ម្ចាស់ផ្ទះ។
![](https://www.kampucheathmey.com/wp-content/uploads/2024/02/Qatar-Uzbekistan-preview2-1.jpg)
កាតារទំនងជាជួបការលំបាកខ្លាំងក្នុងការតទល់ជាមួយអុីរ៉ង់ ទោះបីខ្លួនមានប្រៀបក្នុងនាមជាក្រុមម្ចាស់ផ្ទះក៏ដោយ។ ប្រវត្តិជួបគ្នា១៨លើកគិតចាប់តាំងពីឆ្នាំ២០០៤ កាតារធ្លាប់ឈ្នះតែ២ដងប៉ុណ្ណោះ ខណៈអុីរ៉ង់ បានឈ្នះ១១ដង និងស្មើ៥ដង។
កាតារជាក្រុមការពារតំណែងជើងឯកឆ្នាំចាស់ និងជាម្ចាស់ផ្ទះ ដូច្នេះពួកគេពោរពេញដោយកម្លាំងចិត្តពីអ្នកគាំទ្រដើម្បីបោះជំហានទៅវគ្គផ្ដាច់ព្រ័ត្រ។ វគ្គសំន្សពិន្ទុក្នុងពូល កាតារធ្វើបានយ៉ាងល្អ ឆ្លងកាត់៣ប្រកួត បានឈ្នះទាំង៣ប្រកួត ទទួលបាន៩ពិន្ទុ ឈរលេខ១ ក្នុងពូល។ ពួកគេបានយកឈ្នះលីបង់ ៣-០, ឈ្នះតាជីគីស្ថាន ១-០ និងឈ្នះចិន ១-០។ វគ្គ១៦ក្រុមចុងក្រោយ កាតារបានបន្តយកឈ្នះប៉ាឡេស្ទីន ២-១ ហើយវគ្គ៨ក្រុមចុងក្រោយបានឈ្នះអ៊ូបេគីស្ថាន ដោយការស៊ុតបាល់១១ម៉ែត្រ ៣-២ ក្រោយស្មើគ្នា ១-១។
![](https://www.kampucheathmey.com/wp-content/uploads/2024/02/download-7-1.jpg)
ចំណែកក អុីរ៉ង់ដែលជាម្ចាស់ជើងឯក៣សម័យកាលក៏មានភាគរយខ្ពស់ក្នុងការឡើងទៅវគ្គផ្ដាច់ព្រ័ត្រ។ ប្រវត្តិជួបគ្នា១៨លើកកន្លងមក ពួកគេមានកំណត់ត្រាល្អជាងកាតារ។
ការប្រកួតសំន្សពិន្ទុក្នុងពូល អុីរ៉ង់ធ្វើបានយ៉ាងល្អដោយបានឈ្នះទាំង៣ប្រកួត ទទួលបាន៩ពិន្ទុ ឈរលេខ១ ក្នុងពូល ក្នុងនោះយកឈ្នះប៉ាឡេស្ទីន ៤-១, ឈ្នះហុងកុង ១-០ និងអារ៉ាប់រួម ២-១។ វគ្គ១៦ក្រុមចុងក្រោយ ពួកគេបានយកឈ្នះស៊ីរី ៥-៣ ដោយការទាត់ប៉េណាល់ទីកាត់សេចក្តី១១ម៉ែត្រ ក្រោយស្មើគ្នា ១-១ ហើយ វគ្គ៨ក្រុមចុងក្រោយបានឈ្នះ ក្រុមខ្លាំងជប៉ុន ២-១។
អ៉ីរ៉ង់បានឡើងវគ្គផ្តាច់ព្រ័ត្រ៣លើកសម្រាប់ពានរង្វាន់់លំដាប់ទី១អាស៊ីនេះ ហើយបានឈ្នះជើងឯកទាំង៣លើកតែម្តងគឺឆ្នាំ១៩៦៨ ១៩៧២ និង១៩៧៦ ប៉ុន្តែគិតចាប់តាំងពីឆ្នាំ១៩៨០មក ពួកគេធ្វើមិនសូវបានល្អទេដោយបានឡើងដល់វគ្គពាក់កណ្តាលផ្តាច់ព្រ័ត្រ ហើយយទទួលបានត្រឹមចំណាត់ថ្នាក់លេខ៣ដល់ទៅ៥ដង។ ពួកគេនឹងប្រឹងប្រែងដើម្បីឡើងទៅកាន់វគ្គផ្តាច់ព្រ័ត្រជាលើកដំបូងក្នុងរយៈពេលជាង៤០ឆ្នាំចុងក្រោយនេះ៕
អត្ថបទ៖ ផា រតនា
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ