កីឡា

ជើងឯកកីឡាកាស John Cena ប្រកាសបើកគណនីអាសអាភាស OnlyFans

បានផុស

២ years មុន

នៅ

ថ្ងៃសុក្រ ២៣ កុម្ភៈ ២០២៤

ដោយ

John Cena ដែលជាម្ចាស់ជើងឯកកីឡាកាសពិភពលោក ១៦សម័យកាល បានប្រកាសបើកគណនី OnlyFans ដែលជាគេហទំព័រដែលអនុញ្ញាតឲ្យបង្ហោះមាតិកា 18+ ឬមាតិការអាសអាភាសដ៏ពេញនិយមពីអ្នកប្រើប្រាស់ជាច្រើន។

អតីតកីឡាកាសទំងន់ធ្ងន់ John Cena បានសរសេរសារតាមរយៈ Twitter ថា “អ្នកនឹងឃើញខ្ញុំតាមរបៀបដែលអ្នកមិនធ្លាប់ឃើញពីមុនមក។ អ្នកអាចចុចតាមក្នុងតំណក្នុងជីវប្រវត្តិរបស់ខ្ញុំ”។ ក្រោយមក សំណេររបស់លោកបានក្លាយជាការចាប់អារម្មណ៍នៅលើប្រព័ន្ធផ្សព្វផ្សាយសង្គម ក្រោយប្រកាសបើកគណនី OnlyFans ដើម្បីផ្សព្វផ្សាយភាពយន្តថ្មីនឹងចេញក្នុងពេលឆាប់ៗខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ផ្អែកតាមការស៊ើបអង្កេតបានរកឃើញថា គណនីនេះស្ថិតក្រោមឈ្មោះ Ricky Stanicky ហើយខ្លឹមសារដែលគាត់បានបង្ហោះគឺផ្សព្វផ្សាយខ្សែភាពយន្តនាពេលខាងមុខរបស់គាត់ Ricky Stanicky ដែលជារឿងកំប្លែងដែលនឹងចេញនៅថ្ងៃទី ០៧ ខែមីនា តាមរយៈ Prime Video ក្នុងឆ្នាំនេះ។

សម្រាប់ខ្សែភាពយន្តបែបនេះ វាបរិយាយអំពីរឿងរបស់ Ricky Stanicky ដែលជាតួអង្គស្រមើស្រមៃរបស់មិត្តភ័ក្តិវ័យកុមារ ៣នាក់ដែលបង្កើតគំនិតស្វែងរកមេពពែក្នុងករណីដែលពួកគេបានធ្វើអំពើអាក្រក់។ ប៉ុន្តែនៅ២០ ឆ្នាំក្រោយមក ប្រពន្ធរបស់ពួកគេសង្ស័យថា បុរសនោះគឺជាលោក Stanicky ដូច្នេះហើយពួកគេបានសម្រេចចិត្តជួលតួឯកប្រុសម្នាក់ឲ្យដើរតួជា Ricky ។

យ៉ាងណាមិញ មិនមែនជារឿងចម្លែកនោះទេដែលដែលអតីតជើងឯកកីឡាកាស WWE ១៦សម័យកាល John Cena ប្រកាសបើកគណនីផ្ទាល់ខ្លួនលើគេហទំព័រអាសអាភាស OnlyFans បែបនេះ។ កន្លងមក សូម្បីតែគ្រូបង្រៀន តារាហូលីវូដផ្សេងៗទៀត ក៏មានគណនីមួយនេះដូចគ្នាផងដែរ៕