កំពូលអ្នកកីឡាកាស Billy Graham ទទួលមរណភាពនៅអាយុ ៧៩ ឆ្នាំ

កាលពីថ្ងៃពុធ ទី១៧ កន្លងផុតទៅ គ្រួសារអ្នកកីឡាកាស Billy Graham បានប្រាប់សារព័ត៌មាន TMZ ថា លោក Billy ស្លាប់បន្ទាប់ពីដោះឧបករណ៍ទ្រទ្រង់ជីវិតចេញ គ្រានោះមានតែភរិយា និងកូនស្រីរបស់គាត់ប៉ុណ្ណោះដែលបានជួបមុខជាលើកចុងក្រោយ ។

អ្នកស្រី Valerie ភរិយាលោក Billy បានប្រកាសនៅថ្ងៃច័ន្ទថា ស្វាមីរបស់ខ្លួនចូល ICU រយៈពេល ៣ សប្ដាហ៍ទៅហើយដោយសារបញ្ហាសុខភាពជាច្រើន ។ ការពិតគ្រូពេទ្យចង់ដោះឧបករណ៍ទ្រទ្រង់ជីវិតចេញតាំងពីថ្ងៃច័ន្ទមកម្ល៉េះ ប៉ុន្តែអ្នកស្រីមិនព្រម ។

បើនិយាយពីលោក Billy កាលនៅមានជីវិតវិញ គាត់ត្រូវបានគេស្គាល់ដោយសារសមត្ថភាពក្នុងការបោកចំបាប់ និងជាអ្នកហាត់កាយវប្បកម្មមួយរូប ក្រោយមកលោកទទួលបានភាពល្បីល្បាញឡើងវិញនៅក្នុងសម័យកីឡាចំបាប់ប្រចាំសមាគមចំបាប់អាមេរិក និងសហព័ន្ធកីឡាចំបាប់ពិភពលោក (WWE) ជាទីបញ្ចប់ ។

ចំណែកឯបញ្ហាសុខភាពរបស់ Billy មានដូចជា ជំងឺខ្សោយបេះដូង កកស្ទះសរសៃឈាម ជំងឺទឹកនោមផ្អែម ការបាត់បង់សោតវិញ្ញាណ ឆ្លងមេរោគធ្ងន់ធ្ងរនៅក្នុងត្រចៀក ឈឺលលាដ៍ក្បាល និងខូចក្រលៀន​ ដែលទាំងអស់នេះធ្វើឲ្យគាត់ស្រកគីឡូអស់ ៤៥ ផោនឯណោះមុនបាត់បង់ជីវិត ៕

ប្រែសម្រួល ៖ វារី

ចុចអាន ៖ រកឃើញសាកសពតារាចម្រៀងកូរ៉េ Haesoo នៅក្នុងបន្ទប់សណ្ឋាគារ មិនទាន់ដឹងមូលហេតុស្លាប់