កីឡា

ព្រះខ័នរាជស្វាយរៀងបង្កើតភាពកក់ក្តៅ ខណៈវិសាខាវាយបកតាមស្មើភ្នំពេញក្រោន

បានផុស

២ សប្តាហ៍ មុន

នៅ

ថ្ងៃពុធ ៦ មីនា ២០២៤

ដោយ

ក្រុមបាល់ទាត់ព្រះខ័នរាជស្វាយរៀងបានបង្កើតភាពកក់ក្តៅក្នុងការឡើងទៅកាន់វគ្គផ្តាច់ព្រ័ត្រ ខណៈវិសាខាបានវាយបកតាមស្មើភ្នំពេញក្រោនសម្រាប់ការប្រកួតជើងទី១ ក្នុងវគ្គពាក់កណ្តាលផ្តាច់ព្រ័ត្រពានរង្វាន់សម្តេចតេជោ ហ៊ុន សែន លើកទី១៧។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅទីលានពហុកីឡដ្ឋានជាតិអូឡាំពិក ព្រះខ័នរាជស្វាយរៀងបានយកឈ្នះម្ចាស់ផ្ទះបឹងកេតដោយលទ្ធផល ១-៣ ដើម្បីបង្កើតភាពកក់ក្តៅសម្រាប់ជើងទី២ដើម្បីឆ្ពោះទៅកាន់វគ្គផ្តាច់ព្រ័ត្រ។ ព្រះខ័នរាជស្វាយរៀងរកបាន៣គ្រាប់ដោយកីឡាករ Gabriel Silva Costa ២គ្រាប់ និង ជូ ស៊ិនទិ រកបាន១គ្រាប់។ ចំណែកតាមពីក្រោយ១គ្រាប់របស់បឹងកេតរកបានដោយកីឡាករ ចន្ថា ចន្ទាកា។

នៅទឹកដីព្រីនស៍ ភ្នំពេញក្រោនបានបង្កើតគ្រាប់បាល់២គ្រាប់យ៉ាងលឿនដោយកីឡាករវ័យក្មេង លឹម ពិសុទ្ធ និងខ្សែប្រយុទ្ធជប៉ុន Shintaro Shimizu ត្រឹម៦នាទីដំបូង ប៉ុន្តែខ្សែប្រយុទ្ធប្រេស៊ីល Jonata រកបាន១គ្រាប់តាមពីក្រោយ ១-២ នៅនាទីទី១០ និងគ្រាប់តាមស្មើ ២-២ ដោយកីឡាករ ស៊ីន កក្កដា នៅនាទី៧៧ក្នុងវគ្គទី២។ ចប់ការប្រកួតស្មើគ្នា ២-២។

ការប្រកួតជើងទី២នៅថ្ងៃទី១០ ខែមសា ដោយបឹងកេតត្រូវធ្វើដំណើរទៅទឹកដីព្រះខ័នរាជស្វាយរៀង និងវិសាខាធ្វើដំណើរទៅទឹកដីភ្នំពេញក្រោន៕