កីឡា
ក្លិបខ្លាំង Al Hilal បានបំបែកកំណត់ត្រាពិភពលោកក្រោយឈ្នះ២៨ប្រកួតជាប់គ្នា
បន្ទាប់ពីបានយកឈ្នះក្លិប Al-lttihad ក្នុងការប្រកួតជើងទី២ក្នុងពានរង្វាន់ AFC Champion League ក្លិប Al Hilal បានបំបែកកំណត់ត្រាពិភពលោក ដោយការឈ្នះ២៨ប្រកួតជាប់គ្នា។
Al Hilal ពិតជាធ្វើបានល្អមែនទែនក្នុងរដូវកាលនេះ។ បច្ចុប្បន្នពួកគេកំពុងនាំមុខក្រុមលេខ២ Al Nassr រហូតដល់១២ពិន្ទុ ទោះបីក្រុមមួយនេះអវត្តមានតារាឆ្នើម Neymar ដោយសាររបួស ACL ក្នុងខែតុលា។ ពួកគេជាផ្នែកមួយក្នុងចំណោម៤ក្លិបផ្សេងទៀត ដែលត្រូវបានកាន់កាប់ដោយមូលនិធិទ្រព្យសម្បត្តិអធិបតេយ្យរបស់រដ្ឋអារ៉ាប៊ីសាអ៊ូឌីត (PIF) ក្នុងខែមិថុនា ឆ្នាំ២០២៣ រួមជាមួយ Al Nassr, Al Ahli និង Al Ittihad។
ភាពជោគជ័យរបស់ពួកគេបានកើតឡើងនៅពីក្រោយនាំយកអតីតខ្សែប្រយុទ្ធ Fulham និង Newcastle កីឡាករ Aleksandar Mitrovic ចូលរួម។ កីឡាករអន្តរជាតិស៊ែប៊ីរូបនេះធ្វើបានយ៉ាងល្អ ដោយរកគ្រាប់បាល់បានចំនួន២៩គ្រាប់ ក្នុងការបង្ហាញខ្លួន២៨លើកក្នុងលីគ និងការប្រកួតពានរង្វាន់លំដាប់ទី១នៅទ្វីបអាស៊ី។ សរុបការប្រកួតទាំង២៨លើកដែលពួកគេបានឈ្នះជាប់គ្នាក្នុងនោះ ការប្រកួត១៧លើកក្នុងលីគអារ៉ាប៊ីសាអ៊ូឌីត ៣លើកក្នុងពាន King Cup of Champions និង៨លើកក្នុងពាន AFC Champions League។ លើកចុងក្រោយក្រុមមិនឈ្នះគឺនៅថ្ងៃទី២១ ខែកញ្ញា ក្នុងលទ្ធផល ១-១ ជាមួយក្រុម Damac។
គ្រូបង្វឹករបស់ Al Hilal សញ្ជាតិព័រទុយហ្គាល់លោក Jorge Jesus បាននិយាយថា ៖«នេះពិតជាសមិទ្ធផលដ៏អស្ចារ្យមួយ។ ខ្ញុំសូមអរគុណអ្នកគ្រប់គ្នានៅក្នុងក្លិបដែលជាផ្នែករបស់ពួកយើងក្នុងកំណត់ត្រាឈ្នះដ៏មានសារសំខាន់នេះ។ ដូចខ្ញុំបាននិយាយអីចឹង ពេញមួយរយៈពេលនេះ កំណត់ត្រាមិនសំខាន់ដូចពានរង្វាន់នោះទេ»។
«វាអាស្រ័យលើអ្នកគ្រប់គ្នានៅ Al Hilal ដើម្បីធានាថា យើងបិទរដូវកាលក្នុងនាមជាជើងឯកលីគកំពូល Saudi League និងបំពេញតាមគោលដៅរបស់យើងក្នុងការប្រកួត Cup។ មានតែពេលនោះទេដែលយើងអាចអបអរសាទរយ៉ាងពិតប្រាកដ»។
ប្រែសម្រួល៖ ផា រតនា
ប្រភព៖ ESPN
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង