Connect with us

កីឡា

របួសជាថ្មី អ្នកចាំទី Courtois បានចាកចេញពីការហ្វឹកហាត់ទាំងទឹកភ្នែក

បានផុស

នៅ

អ្នកចាំទី Thibaut Courtois អាច​នឹងអវត្តមាន​ក្នុង​រដូវ​កាល​នេះ​ បន្ទាប់ពី​រង​របួស​ជង្គង់​ក្នុង​ពេល​ហ្វឹកហាត់ជាមួយក្រុម Real Madrid។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Courtois បាន​ចាកចេញ​ពី​ការ​ហ្វឹកហាត់​ទាំង​ស្រក់​ទឹក​ភ្នែក​ បន្ទាប់​ពី​ការ​ធ្វើ​តេស្ត​​បាន​បង្ហាញពី​របួស​រហែកសាច់ដុំ​នៅ​ជង្គង់​ស្តាំ​។ របួសថ្មីនេះមើលទៅនឹងធ្វើឲ្យរូបគេអវត្តមានពេញមួយរដូវកាល ខណៈរូបគេខកខានការប្រកួតតាំងពីខែសីហា ដោយសាររបួស ACL នៅជង្គង់ខាងឆ្វេង។

កីឡាករ Thibaut Courtois បាននិយាយថា៖«ខ្ញុំ​មានសោក​ស្តាយ​ចំពោះ​របួស​ថ្មី​នេះ ប៉ុន្តែ​វា​គ្រាន់​តែ​ជា​រឿងតូចមិនអាចបញ្ឍប់ខ្ញុំបានទេ។ ខ្ញុំ​នឹងត្រឡប់មក​វិញជាមួយ​ខ្លាំង​ជាង​មុនទៀត»។

អ្នកចាំទី Courtois នៅសល់តែប៉ុន្មានសប្តាហ៍ទៀតប៉ុណ្ណោះនឹងឈានដល់ការវិលត្រឡប់ចូលទីលានវិញ បន្ទាប់ពីចំណាយពេល៧ខែចុងក្រោយ ដើម្បីជាសះស្បើយពីរបួសដ៏អាក្រក់បំផុត។ គ្រូបង្វឹកក្រុម Real Madrid លោក Carlo Ancelotti រំពឹងថា គាត់នឹងត្រឡប់មកវិញ បន្ទាប់ពីការសម្រាកអន្តរជាតិខែមីនា ប៉ុន្តែឥឡូវនេះវាមើលទៅប្រហែលជាអាចជាសះស្បើយអាចត្រឡប់មកវិញនៅរដូវកាលថ្មី ២០២៤-២៥។

ទោះបីអវត្តមានអ្នកចាំទីដៃទី១​ Thibaut Courtois ប៉ុន្តែក្រុម Real Madrid នៅតែធ្វើបានល្អ។ បច្ចុប្បន្នពួក​គេ​កំពុងឈរនៅលេខ១ ក្នុងលីគកំពូលប្រទេសអេស្ប៉ាញ និង​បានឈានដល់វគ្គ៨ក្រុមចុងក្រោយ ពានរង្វាន់ UEFA Champions League ដែល​ត្រូវជួបជាមួយក្រុម Manchester City។

ការបង្ហាញខ្លួនជាមួយក្រុមជម្រើសជាតិ ឱកាសរបស់ Courtois មានតិចតួចណាស់ នៅក្នុងព្រឹត្តិការណ៍ Euro 2024 ជាមួយបែលហ្ស៊ិកនៅរដូវក្តៅនេះ៕

ប្រែសម្រួល៖ ផា រតនា
ប្រភព៖ Goal

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៥ វិនាទី មុន

លោក អ៊ុន ចាន់ដា ផ្តាំដល់អាជ្ញាធរពាក់ព័ន្ធផ្តល់បរិយាកាសសប្បាយរីករាយដល់ពលរដ្ឋក្នុងឱកាសចូលឆ្នាំខ្មែរខាងមុខ

កីឡា៥៦ វិនាទី មុន

របួសជាថ្មី អ្នកចាំទី Courtois បានចាកចេញពីការហ្វឹកហាត់ទាំងទឹកភ្នែក

ព័ត៌មានអន្ដរជាតិ២ នាទី មុន

វៀតណាម តែងតាំងស្ត្រីមានឥទ្ធិពលម្នាក់ជាប្រធានាធិបតីស្ដីទី ក្រោយលោក Vo Van Thuong លាលែងពីតំណែង

ព័ត៌មានជាតិ៥ នាទី មុន

ភ្ញៀវទេសចរជាង១ម៉ឺននាក់ បានមកទស្សនាព្រឹត្តិការណ៍ថ្ងៃរះចំកំពូលកណ្តាលប្រាសាទអង្គរវត្ត

ជីវិតកម្សាន្ដ៧ នាទី មុន

តារាចម្រៀង ណូយ វណ្ណា ក្លាយជាជនរងគ្រោះក្នុងការទិញដីឡូត៍គម្រោងទី ៣០ ម៉ន ដានី ខេត្តកំពត

Sokha Hotels

ព័ត៌មានពេញនិយម