កីឡា
មិនធម្មតា! ឥណ្ឌូណេស៊ី ដាក់គោលដៅដេញថ្លៃធ្វើជាម្ចាស់ផ្ទះកីឡាអូឡាំពិក២០៣៦
លោក Raja Sapta Oktohari ប្រធានគណៈកម្មាធិការជាតិអូឡាំពិកឥណ្ឌូនេស៊ី បានប្រកាសពីមហិច្ឆតាក្នុងការដេញថ្លៃធ្វើម្ចាស់ផ្ទះរៀបចំព្រឹត្តិការណ៍ប្រកួតកីឡាអូឡាំពិកឆ្នាំ២០៣៦។
![](https://www.kampucheathmey.com/wp-content/uploads/2024/04/Olympic-Gamess-3-1024x576.png)
គណៈកម្មាធិការជាតិអូឡាំពិកឥណ្ឌូណេស៊ី (NOC) កំពុងបន្តធ្វើការជាមួយគណៈកម្មាធិការអូឡាំពិកអន្តរជាតិ (IOC) ដែលជាផ្នែកមួយនៃការដេញថ្លៃរបស់ខ្លួនដើម្បីធ្វើជាម្ចាស់ផ្ទះកីឡាអូឡាំពិក ប្រហែលជានៅឆ្នាំ២០៣៦។ លោក Raja Sapta Oktohari បាននិយាយដែលត្រូវបានដកស្រង់សំដីដោយទីភ្នាក់ងារព័ត៌មាន Antara។
នៅខែកក្កដា គណៈប្រតិភូដែលមានឋានៈជាអ្នកសង្កេតការណ៍នឹងទៅទស្សនាការប្រកួតកីឡាអូឡាំពិក ទីក្រុងប៉ារីស ប្រទេសបារាំង ឆ្នាំ២០២៤ និងសង្កេតមើលការត្រៀមរៀបចំនៅអូឡាំពិក ទីក្រុង Los Angeles ឆ្នាំ២០២៨ ដែលជាផ្នែកមួយនៃកិច្ចសន្ទនារបស់ IOC ស្តីពីដំណើរការដេញថ្លៃ។ ការដាក់បញ្ចូលរបស់ឥណ្ឌូណេស៊ី ត្រូវបានបញ្ជាក់ បន្ទាប់ពីប្រធាន IOC លោក Thomas Bach បានស្វាគមន៍ចំពោះការត្រៀមខ្លួនរបស់ប្រទេសឥណ្ឌូណេស៊ីក្នុងការដេញថ្លៃនៅក្នុងកិច្ចប្រជុំកំពូល G20 នៅកោះបាលី កាលពីខែវិច្ឆិកា ឆ្នាំ២០២២។
![](https://www.kampucheathmey.com/wp-content/uploads/2024/04/Olympic-Gamess-2-1024x576.png)
ក្រុមអ្នកសង្កេតការណ៍ឥណ្ឌូណេស៊ីរួមមានតំណាងមកពីក្រសួងយុវជន និងកីឡា ក្រសួងសាធារណការ និងលំនៅឋានសាធារណៈ និងគណៈកម្មាធិការជាតិអូឡាំពិករបស់ប្រទេស។ ប្រទេសអាស៊ាននេះមិនធ្លាប់ដេញថ្លៃសម្រាប់ការប្រកួតកីឡាអូឡាំពិកនោះទេ ប៉ុន្តែពួកគេបានធ្វើជាម្ចាស់ផ្ទះដោយជោគជ័យនៃព្រឹត្តិការណ៍កីឡាអាស៊ី Asian Games 2018។ ការដេញថ្លៃដ៏មានសក្តានុពលសម្រាប់ទីក្រុងហ្សាកាតា ដើម្បីធ្វើជាម្ចាស់ផ្ទះកីឡាឆ្នាំ២០៣២ ត្រូវបានដាក់លើតុហើយ ប៉ុន្តែប្រទេសអូស្ត្រាលីទទួលបានជ័យជម្នះ។
IOC បានបង្ហាញថា ប្រទេសមួយចំនួនបានបង្ហាញពីចំណាប់អារម្មណ៍ក្នុងការធ្វើជាម្ចាស់ផ្ទះកីឡាអូឡាំពិកឆ្នាំ២០៣៦។ ប្រទេសទាំងនោះរួមមានឥណ្ឌា អាល្លឺម៉ង់ តួកគី កូរ៉េខាងត្បូង កាតារ ហុងគ្រី អេស្ប៉ាញ និងឥណ្ឌូណេស៊ី បន្ទាប់ពីម៉ិកស៊ិក ដកខ្លួន។ មិនទាន់មានកាលវិភាគជាក់លាក់សម្រាប់ការសម្រេចចិត្តថាតើ ប្រទេសណានឹងធ្វើជាម្ចាស់ផ្ទះការប្រកួតរដូវក្តៅនៅឆ្នាំ២០៣៦ ប៉ុន្តែទំនងជាជ្រើសរើសនៅក្នុងការបោះឆ្នោតប្រធាន IOC ថ្មី នៅឆ្នាំ២០២៥។
![](https://www.kampucheathmey.com/wp-content/uploads/2024/04/Olympic-Gamess-1-1024x527.jpg)
សម្រាប់ព្រឹត្តិការណ៍កីឡាអូឡាំពិករដូវក្តៅ៣លើកបន្ទាប់មានប្រទេសធ្វើម្ចាស់ផ្ទះរួចរាល់ហើយគឺឆ្នាំ២០២៤ នៅប្រទេសបារាំង ឆ្នាំ២០២៨ នៅសហរដ្ឋអាមេរិក និងឆ្នាំ២០៣២ នៅប្រទេសអូស្ត្រាលី។
គិតចាប់តាំងពីឆ្នាំ១៨៩៦មក មិនធ្លាប់មានប្រទេសនៅក្នុងតំបន់អាស៊ានធ្វើជាម្ចាស់ផ្ទះឡើយ៕
ប្រែសម្រួល៖ មន្នីរ័ត្ន
ប្រភព៖ Inside The Games
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ២២ ម៉ោង ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
ព័ត៌មានជាតិ១៣ ម៉ោង ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ៥ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
សេដ្ឋកិច្ច២ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានអន្ដរជាតិ២ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ១ សប្តាហ៍ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ៣ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
សន្តិសុខសង្គម២ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ