កីឡា

បារាំងបណ្ដេញជនចំណាកស្រុកចេញពីក្រុង ១០០ថ្ងៃមុនអូឡាំពិក២០២៤

បានផុស

២ years មុន

នៅ

ថ្ងៃសុក្រ ១៩ មេសា ២០២៤

ដោយ

អគារការិយាល័យដែលត្រូវបានបោះបង់ចោលនៅភាគខាងត្បូងទីក្រុងប៉ារីស រស់នៅដោយជនចំណាកស្រុករាប់រយនាក់ ត្រូវបានអាជ្ញាធរបារាំងបោសសម្អាតកាលពីថ្ងៃពុធ ពោលគឺនៅ១០០ថ្ងៃ មុនព្រឹត្តិការណ៍កីឡាអូឡាំពិក ទីក្រុងប៉ារីស ឆ្នាំ២០២៤ មកដល់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបារាំងបានបញ្ជាឱ្យពួកគេឡើងរថយន្តក្រុងទៅកាន់ផ្នែកផ្សេងទៀតនៃប្រទេសបារាំងគឺទីក្រុង Orleans ឬតំបន់ Bordeaux ភាគនិរតី។

យោងតាមអង្គការក្រៅរដ្ឋាភិបាល ដែលបានទៅដល់ទីតាំងផ្ទាល់បានឲ្យដឹងថា ជនចំណាកស្រុក៤៥០នាក់ដែលកំពុងរស់នៅទីនោះ ត្រូវបានផ្តល់ដំណឹងឲ្យចាកចេញកាលពីដើមសប្តាហ៍នេះ។ អ្នកខ្លះបានសម្រេចចាកចេញ ប៉ុន្តែប្រហែល ៣០០នាក់បន្តស្ថិតនៅ ហើយត្រូវបានប៉ូលិសនាំពួកគេទៅឆ្ងាយ។

អង្គការសប្បុរសធម៌ទទូចថា ការផ្លាស់ប្តូរទាំងនេះគឺជាផ្នែកមួយដើម្បីធ្វើឱ្យទីក្រុងមើលទៅប្រសើរជាងមុន មុនពេលអ្នកទេសចរទៅដល់សម្រាប់ព្រឹត្តិការណ៍អូឡាំពិក។

លោក Paul Alauzy តំណាងអង្គការសប្បុរសធម៌ផ្នែកវេជ្ជសាស្ត្ររបស់វេជ្ជបណ្ឌិតពិភពលោកបាននិយាយថា៖ «មានកន្លែងក្នុងជម្រកក្បែរទីក្រុងប៉ារីស ប៉ុន្តែច្បាស់ណាស់អាជ្ញាធរចង់ផ្លាស់ទីពួកគេចេញពីរដ្ឋធានី។ ជាពិសេសមុនអូឡាំពិក»។

អ្នកដែលត្រូវនិរទេសទាំងនោះរួមមានបុរស ស្ត្រី កុមារ និងស្ត្រីមានកូនផងដែរ ដោយកាន់ឯកសារដើម្បីព្យាយាមពន្យល់ពីស្ថានភាពរបស់ពួកគេដល់មន្ត្រីអន្តោប្រវេសន៍។

ជនចំណាកស្រុកជាច្រើនបាននិយាយថា ពួកគេមិនចង់ចាកចេញពីតំបន់ប៉ារីសទេ។ បុរសស៊ូដង់អាយុ២៩ឆ្នាំបាននិយាយថា៖ «ខ្ញុំចង់ស្នាក់នៅទីនេះ»។ រូបគេទទួលបានការងារធ្វើនៅផ្សារទំនើបមួយកន្លែង ក្នុងទីក្រុងប៉ារីស។

ក៏ដូចជាការភ័យខ្លាចនៃអ្នកត្រូវបានផ្លាស់ប្តូរទីលំនៅ សហគមន៍នៅក្នុងទីក្រុងនានានៅខាងក្រៅប្រទេសបារាំងបានបង្ហាញយ៉ាងច្បាស់ពីការមិនពេញចិត្តដែលពួកគេទទួលយកជនចំណាកស្រុកពីទីក្រុងប៉ារីស៕