Connect with us

កីឡា

កីឡាករវ័យក្មេង១០រូបនឹងលេចធ្លោក្នុងព្រឹត្តិការណ៍អឺរ៉ូឆ្នាំនេះ

បានផុស

នៅ

ព្រឹត្តិការណ៍​បាល់ទាត់​ទ្វីបអឺរ៉ុប (EURO) ឆ្នាំ២០២៤ ដែល​​​ប្រទេសអាល្លឺម៉ង់​​ជាម្ចាស់ផ្ទះ នឹង​បើក​ទំព័រ​ប្រវត្តិ​សាស្ត្រ​នៅ​ថ្ងៃ​ទី​១៤ ខែ​មិថុនា​នេះ​ហើយ​​ដែល​ក្រុម​បាល់ទាត់​ជម្រើស​ជាតិ​ចំនួន​២៤​ត្រូវ​ប្រជែង​គ្នា។ ក្នុង​ចំណោម​កីឡាករ​ឆ្នើម​ៗ​ជា​ច្រើន មាន​កីឡាករ​វ័យ​ក្មេង​១០​រូប​​​ត្រូវ​បាន​គេ​រំពឹង​នឹង​លេច​ធ្លោ​ខ្លាំង​ក្នុង​ឆ្នាំ​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. កីឡាករ Jude Bellingham

ស្ថិតក្នុងវ័យ២០ឆ្នាំខ្សែបម្រើ Jude Bellingham បាន​បង្ហាញទម្រង់លេង​យ៉ាងល្អជាមួយ​ក្លិប​យក្ស​អេស្ប៉ាញ​ Real Madrid ហើយត្រូវបានក្រុមជម្រើសជាតិអង់គ្លេសកោះហៅ ដើម្បី​ចូល​រួម​ប្រកួតអឺរ៉ូ។ អ្នកគាំទ្រ​កំពុងទន្ទឹងរង់ចាំមើលការបង្ហាញសមត្ថភាពរបស់ខ្សែបម្រើនេះ​​​ថា​តើ​អាច​ជួយ​​អង់គ្លេស​ឈាន​ដល់​កម្រិត​ណា។

២. កីឡាករ Jeremy Doku

កីឡាករ Jeremy Doku ខ្សែបម្រើប្រយុទ្ធពូកែ​​ញាក់​របស់​ក្លិប Manchester City របស់​ក្រុម​បាល់ទាត់​ជម្រើស​ជាតិ​បែល​ហ្ស៊ិក។ ស្ថិត​ក្នុង​វ័យ​២២​ឆ្នាំ រូប​គេ​នឹង​ក្លាយ​ជា​តួ​ដ៏​សំខាន់​របស់​បែល​ហ្ស៊ិក​ក្នុង​ព្រឹត្តិការណ៍​អឺរ៉ូ​ឆ្នាំ​២០២៤​នេះ។

៣. កីឡាករ Cole Palmer

បន្ទាប់ពីបង្ហាញគុណផលល្អ​ជាមួយតោ​ខៀវ Chelsea កីឡាករ​វ័យ​២២​ឆ្នាំ Cole Palmer ត្រូវហោះចូលរួម​ក្រុមជម្រើស​ជាតិអង់គ្លេសក្នុងព្រឹត្តិការណ៍ EURO។ ខ្សែបម្រើប្រយុទ្ធ​រូប​នេះ​ទទួលបានការចាប់អារម្មណ៍ខ្លាំងពីអ្នកគាំទ្រ។ ជឿជាក់ថា រូប​គេនឹង​ជួយ​អង់គ្លេស​ឈាន​ទៅ​ដល់កម្រិត​មួយ​ដែល​អង់គ្លេស​មិន​ធ្លាប់​បាន​ក្នុង​ប្រវត្តិ​សាស្ត្រ​អឺរ៉ូ។

៤. កីឡាករ Jamal Musiala

ស្ថិតក្នុងវ័យ២១ឆ្នាំ Jamal Musiala របស់ក្រុមជម្រើសជាតិអាល្លឺម៉ង់ ជា​កីឡាករ​វ័យក្មេងឆ្នើមមួយរូបដែលអ្នកគាំទ្រ​ចង់ឃើញការបង្ហាញសមត្ថភាព​នៅ​លើទីលាន​ក្នុង​ព្រឹត្តិការណ៍​ធំ។ ទោះបីរដូវកាលនេះមិនអាចជួយក្រុម Bayern Munich ឈ្នះពាន ប៉ុន្តែសមត្ថភាព និងគុណភាពរបស់ខ្សែបម្រើរូបនេះនៅតែរក្សាទម្រង់បានយ៉ាងល្អ។

៥. កីឡាករ Florian Wirtz

បន្ទាប់ពីជួយក្រុម Bayer Leverkusen ឈ្នះពាន២ក្នុងមួយរដូវកាល កីឡាករ Florian Wirtz វ័យ២១ឆ្នាំ ត្រូវបានផ្ដល់សេចក្ដីទុកពី​គ្រូបង្វឹកក្រុមជម្រើសជាតិអាល្លឺម៉ង់។ ក្នុងព្រឹត្តិការណ៍ EURO ឆ្នាំនេះ អ្នកគាំទ្របាល់ទាត់ពិតជាចង់ឃើញ​ការបង្ហាញសមត្ថភាពរបស់​តារាជើងស្ដាំ​វ័យ​ក្មេង​​រូប​នេះ​ក្នុងការរកគ្រាប់​បាល់​ឲ្យ​ក្រុមម្ចាស់ផ្ទះ។

៦. កីឡាករ Xavi Simons

បន្ទាប់ពីផ្លាស់ទៅកាន់ក្រុម RB Leipzig ក្នុងលក្ខខណ្ឌខ្ចីជើង កីឡាករវ័យ២១ឆ្នាំ Xavi Simons បង្ហាញសមត្ថភាពបានយ៉ាងល្អ។ ក្នុងព្រឹត្តិការណ៍អឺរ៉ូឆ្នាំនេះ រូប​គេ​​បានរួមដំណើរជាមួយក្រុម​ទឹក​ក្រូច ហុល្លង់។ ទោះបីមិនសូវមានបទពិសោធច្រើនជាមួយក្រុមជម្រើសជាតិពីមុន​ ប៉ុន្ដែ​​អ្នកគាំទ្រជឿថា Simons នឹងកា្លយជាកីឡាករសំខាន់មួយរូប​របស់​ហុល្លង់។

៧. កីឡាករ Rasmus Højlund

ក្នុងរដូវកាលដំបូងជាមួយក្លិប​ Manchester United ខ្សែប្រយុទ្ធ Rasmus Højlund ពិតជាធ្វើបានល្អ ក្រោយ​ទទួល​បាន​ឱកាសបង្ហាញក្នុងជម្រើស១១នាក់ដំបូង និង​រក​បាន​គ្រាប់បាល់។ ស្ថិតក្នុងវ័យ២១ឆ្នាំ Højlund នឹងក្លាយជាកម្លាំងដ៏សំខាន់មួយក្នុងការជួយក្រុមជម្រើសជាតិដាណឺម៉ាក ក្នុងព្រឹត្តិការណ៍​ EURO ឆ្នាំនេះ។

៨. កីឡាករ Lamine Yamal

កីឡាករវ័យ១៦ឆ្នាំ Lamine Yamal របស់ក្រុម Barcelona ត្រូវបានកោះហៅចូលរួម​ក្រុមជម្រើសជាតិអេស្ប៉ាញក្នុងព្រឹត្តិការណ៍ EURO។ នេះជាលើកដំបូងរបស់ Yamal សម្រាប់ការចូលរួមពានរង្វាន់​ធំ។ អ្នកគាំទ្ររំពឹងថា ខ្សែប្រយុទ្ធវ័យក្មេងម្នាក់នេះនឹងបង្ហាញពីគុណផលរបស់ខ្លួនបានយ៉ាងល្អ​ជា​មួយ​​ក្រុមជម្រើសជាតិអេស្ប៉ាញ។

៩. កីឡាករ Arda Güler

ខ្សែបម្រើវ័យ១៩ឆ្នាំ Arda Güler ទើបតែផ្លាស់មកក្រុម Real Madrid ក្នុងរដូវកាលនេះ។ ទោះបីមិនសូវមាន​ឱកាស​បង្ហាញខ្លួនជាមួយក្រុមយក្សនៅអេស្ប៉ាញ ប៉ុន្តែរូបគេក៏ត្រូវបានកោះហៅចូលរួមជាមួយក្រុមជម្រើសជាតិ​តួកគី។ រូប​គេ​ត្រូវបានគេរំពឹងថា នឹងទទួលបានឱកាស​បង្ហាញខ្លូន​ក្នុងព្រឹត្តិការណ៍អឺរ៉ូ។

១០. កីឡាករ Warren Zaïre-Emery

ខ្សែបម្រើវ័យ១៨ឆ្នាំ Warren Zaïre-Emery ពិតជាធ្វើបានយ៉ាងល្អក្នុងការបង្ហាញខ្លួនជាមួយក្រុម Paris Saint-Germain រហូតត្រូវបានក្រុមជម្រើសជាតិបារាំងកោះហៅ​ដើម្បី​ព្រឹត្តិការណ៍ EURO។ ទោះបីបារាំង​ បច្ចុប្បន្នសម្បូរខ្សែបម្រើឆ្នើមៗ​ ប៉ុន្តែ​​រូប​គេ​ទំនងជាទទួលបាន​ឱកាស​ក្នុងការបង្ហាញខ្លួន៕

អត្ថបទ៖ ផា រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ នាទី មុន

​រដ្ឋមន្ត្រី​មហាផ្ទៃថៃ​បញ្ជា​ឲ្យ​មាន​ការស៊ើបអង្កេត​រក​ប្រភព​ផ្សព្វផ្សាយ​លក់​លិខិតឆ្លងដែន​និងសញ្ជាតិ​

ព័ត៌មានអន្ដរជាតិ២៣ នាទី មុន

ជប៉ុន​ប្រកាស​​​ដាក់​ទណ្ឌកម្ម​ជនជាតិ​អ៊ីស្រាអែល​៥​នាក់​បង្កហិង្សា​​

ព័ត៌មានអន្ដរជាតិ៣១ នាទី មុន

ចិនកាត់​បន្ថយ​អត្រាការប្រាក់កម្ចី​សំខាន់​ៗ​ ដើម្បី​ជំរុញ​សេដ្ឋកិច្ច​យឺតយ៉ាវ​

ព័ត៌មានជាតិ៤០ នាទី មុន

រដ្ឋបាលខេត្តកណ្ដាល ចែកវិញ្ញាបនបត្រសម្គាល់ម្ចាស់អចលនវត្ថុ ជូនពលរដ្ឋ ៤ភូមិ ក្នុងស្រុកអង្គស្នួល

ព័ត៌មានអន្ដរជាតិ៤៥ នាទី មុន

ចាប់ពីឆ្នាំក្រោយទៅ Tesla នឹងដាក់ឲ្យមនុស្សយន្ត ធ្វើការនៅក្នុងក្រុមហ៊ុន 

ព័ត៌មានជាតិ២៤ ម៉ោង មុន

តេស្ដរកសារធាតុញៀន៖ មនុស្ស៩៧នាក់ប៉ុណ្ណោះបានប្រើសារធាតុញៀន ក្នុងចំណោមមន្ត្រី និងកងកម្លាំងជាង៩ម៉ឺននាក់

ព័ត៌មានអន្ដរជាតិ៨ ម៉ោង មុន

ព្យុះព្រះភិរុណ បង្កការបំផ្លិចបំផ្លាញនៅភាគខាងជើង ប្រទេសវៀតណាម

ព័ត៌មានអន្ដរជាតិ២៤ ម៉ោង មុន

បៃដិនដកខ្លួន មាន​ន័យថា លោក​ ​ត្រាំ​ ​ជួប​គ្រោះ​ធំក្នុងដំណើរ​ទៅ​​អង្គុយ​​កៅអីសេតវិមាន​​​​ជាថ្មី​​

ព័ត៌មានជាតិ៨ ម៉ោង មុន

សម្តេ​​ចនាយករដ្ឋមន្រ្តី៖ ទោះបីបាត់ខ្លួន១២ថ្ងៃ តែមិនមានមួយវិនាទីណាដែលអាកាសយានិកទាំងពីររូប ត្រូវបានបំភ្លេចនោះទ្បើយ

ព័ត៌មានអន្ដរជាតិ៧ ម៉ោង មុន

មួយប៉ប្រិចភ្នែក ហារីស បូមលុយហូរដូចទឹក ចូលបក្សប្រជាធិបតេយ្យ បង្កើតប្រវត្តិសាស្រ្តអាមេរិក

Sokha Hotels

ព័ត៌មានពេញនិយម