កីឡា

ឈិន ឈឿន សង្ឃឹម ៧០% លើព្រះខ័នរាជស្វាយរៀង ឈ្នះពាន AFC Challenge League

បានផុស

៥៤ នាទីutes មុន

នៅ

ថ្ងៃចន្ទ ៥ ឧសភា ២០២៥

ដោយ

អតីតកីឡាករជម្រើសជាតិ ឈិន ឈឿន ដាក់ក្ដីសង្ឃឹមលើក្រុមបាល់ទាត់ព្រះខ័នរាជស្វាយរៀង រហូត ៧០% ថានឹងឈ្នះក្នុងវគ្គផ្ដាច់ព្រ័ត្រពានរង្វាន់ AFC Challenge League នៅថ្ងៃទី១០ ខែឧសភា ឆ្នាំ២០២៥ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមបាល់ទាត់ព្រះខ័នរាជស្វាយរៀង

ឈិន ឈឿន បានឲ្យដឹងថា រូបគេពិតជាជឿជាក់លើក្រុមបាល់ទាត់ព្រះខ័នរាជស្វាយរៀងនៅក្នុងជំនួបវគ្គផ្ដាច់ព្រ័ត្រជាមួយក្រុមភ្ញៀវ FK Arkadag ។ រូបគេដាក់ក្ដីសង្ឃឹមរហូតដល់ទៅ ៧០% ឯណោះដោយមើលឃើញពីសមត្ថភាពកីឡាករស្វាយរៀងល្អពេក។

លោក ឈិន ឈឿន

អតីតកីឡាករជម្រើសជាតិរូបនេះបន្ថែមទៀតថា ក្រុមព្រះខ័នរាជស្វាយរៀង មិនថាកីឡាករបរទេស ឬកីឡាករខ្មែរនោះទេគឺលេងបានល្អមែនទែន លេងដោយយល់ចិត្តគ្នា និងម្នាក់ៗសុទ្ធតែមានសមត្ថភាពខ្លាំងផ្ទាល់ខ្លួន។ រួមទាំងទឹកចិត្តកំពុងពុះកញ្ជ្រោលចង់ឈ្នះពានទៀតនោះធ្វើឲ្យកីឡាកររឹតតែមានទឹកចិត្តកាន់តែខ្លាំងក្នុងវគ្គផ្ដាច់ព្រ័ត្រ AFC នេះ។

ក្រុម FK Arkadag

បញ្ជាក់ដែរថា ក្រុមបាល់ទាត់ព្រះខ័នរាជស្វាយរៀង របស់កម្ពុជានឹងត្រូវប្រកួតវគ្គផ្ដាច់ព្រ័ត្រពានរង្វាន់ AFC Challenge League ជាមួយក្រុមមកពី តួកមេនីស្ថាន FK Arkadag នៅថ្ងៃទី១០ ខែឧសភា ឆ្នាំ២០២៥ នេះនៅពហុកីឡដ្ឋានមរតកតេជោ។ ការប្រកួតនេះនឹងធ្វើឡើងចាប់ពីម៉ោង ៧យប់តទៅ៕

អត្ថបទដោយ៖ នួន ស៊ីណា