កីឡា
មរណៈភាពរបស់លោក ផល សុផេង ជាការបាត់បង់ធនធានសំខាន់ក្នុងវិស័យកីឡាយានយន្ត កីឡាបាញ់កាំភ្លើង
ការទទួលមរណៈភាពដោយឧបទ្ទវហេតុក្នុងការជិះម៉ូតូទឹករបស់លោក ផល សុផេង ជារឿងសោកស្ដាយជាខ្លាំងទាំងជួរស្ថាប័នរដ្ឋ និងខាងវិស័យកីឡាផងដែរ ព្រោះជាធនធានដែលពោពេញដោយសមត្ថភាព និងជាប្រធានក្រុមដឹកនាំដ៏ល្អមួយរូបផង។
លោក វង្ស គឹមហួត និងលោក ផល សុផេង
នេះបើតាមការឲ្យដឹងពីលោក វង្ស គឹមហួត ដែលជាកីឡាករផ្នែកប្រណាំងរថយន្ត បានឡើងថា លោកចាត់ទុកលោក ផល សុផេង ជាបងប្រុស និងជា Team Leader ដល់ល្អមួយរូបដែលធ្លាប់ជាកីឡាករជាមួយគ្នា ប្រាស្រ័យទាក់ទងការងារជាយូរមកហើយ។
លោក ផល សុផេង
លោក វង្ស គឹមហួត បន្តទៀតថា រូបលោកផ្ទាល់ជាមួយលោក ផល សុផេង ជាអតីតកីឡាករប្រណាំងរថយន្ត Rally និងធ្លាប់ជាសមាជិកក្រុម KARA ជាមួយគ្នាពីមុនផងដែរ។ លោកពិតជាមានការសោកស្ដាយជាខ្លាំងចំពោះការទទួលមរណៈរបស់លោក ផល សុផេង នៅពេលនេះ។
លោក ផល សុផេង
លោក ផល សុផេង ជាធនធានដែលមានសមត្ថភាព និងជាមេក្រុម (Team Leader) ដែលធ្វើការម៉ត់ចត់ និងស្រឡាញ់យកចិត្តទុកដាក់លើក្រុមទាំងមូលខ្លាំងណាស់។ រាល់ការចេញទៅប្រកួត ឬធ្វើដំណើរម្ដងៗគឺលោកតែងតែផ្ដល់ភាពកក់ក្ដៅដល់ក្រុមតាមរយៈការមើលការខុសត្រូវលើបច្ចេកទេសរថយន្ត សម្ភារ និងគិតបំផុតពីសុខសុវត្ថិភាពមនុស្សក្នុងក្រុមគ្រប់ៗគ្នា។
លោក ផល សុផេង
លោក វង្ស គឹមហួត បន្តទៀតថា ចំពោះលោក ផល សុផេង គឺលោកចូលចិត្តទាំងអស់លើវិស័យយានយន្តនេះមិនថាការប្រណាំង OFF ROAD ប្រណាំង RALLY ប្រណាំង GO KART ប្រណាំងម៉ូតូត្រៃ អ៊ូប័រ ម៉ូតូទឹកនោះទេ។ លោកមិនត្រឹមតែជាអ្នកលេងនោះទេ ប៉ុន្តែក៏ជាអ្នកជំនាញជួសជុលលើផ្នែកទាំងនោះទៀតផង។ លោកក៏ជាគណៈកម្មការរៀបចំការប្រកួតផ្សេងៗផងដែរ។ ក្រៅតែពីកីឡាយានយន្តលោកក៏ជាអ្នកកីឡាបាញ់កាំភ្លើងទៀតផង ដូច្នេះការទទួលមរណៈភាពរបស់លោកនៅពេលនេះជាការបាត់បង់ធនធានដ៏សំខាន់ពោពេញដោយសមត្ថភាពមួយចាប់ពីពេលនេះតទៅ។
លោក ផល សុផេង
បញ្ជាក់ដែរថា លោក ផល សុផេង ត្រូវបានគេដឹងថាជួបឧបទ្ទវហេតុធ្លាក់ពីលើម៉ូតូទឹកកាលពីថ្ងៃទី២៧ ខែកញ្ញា ឆ្នាំ២០២៥ នៅកោះនរា អំឡុងពេលលោកជិះកម្សាន្ត។ នៅថ្ងៃទី៣០ ខែកញ្ញា ២០២៥ នេះគេបានរកឃើញសាកសពរបស់លោកហើយ និងកំពុងធ្វើបុណ្យតាមប្រពៃណី។ ដំណឹងទទួលមរណៈភាពនេះមានការសោកស្ដាយជាខ្លាំងទាំងផ្នែកកីឡា និងជួរស្ថាប័នរដ្ឋបានចេញសាររំលែកទុក្ខជាច្រើនផងដែរ៕
ពិធីបុណ្យសពលោក ផល សុផេង
អត្ថបទដោយ៖ នួន ស៊ីណា
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ