ចរាចរណ៍

រថយន្តហ៊ីយ៉ាន់ដាយ២គ្រឿង បុកគ្នាពេញទំហឹង បណ្តាលឲ្យមនុស្សរបួសធ្ងន់ស្រាលជិត១០នាក់ នៅស្រុកថ្មគោល

បានផុស

៥ years មុន

នៅ

ថ្ងៃសុក្រ ៩ កក្កដា ២០២១

ដោយ

យ៉ាងហោចណាស់ ក៏មានមនុស្សជិត១០នាក់ បានរងរបួសធ្ងន់ និងស្រាល ខណៈដែលរថយន្តធុនធំចំនួន២គ្រឿង បានបុកគ្នាពេញទំហឹង ក្នុងស្រុកថ្មគោល បណ្តាលឲ្យក្រឡាប់ធ្លាក់ផ្លូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក សេង លុច អធិការនគរបាលស្រុកថ្មគោល បានប្រាប់ឲ្យដឹងថា គ្រោះថ្នាក់ចរាចរណ៍នេះ បានកើតកាលពីរសៀលថ្ងៃទី០៨ ខែកក្កដា ឆ្នាំ២០២១ ត្រង់កំណាត់ផ្លូវជាតិលេខ៥ ដែលកំពុងស្ថាបនានៅក្នុងក្រុមទី០២ ភូមិវាលទ្រា ឃុំអូរតាគី ស្រុកថ្មគោល ខេត្តបាត់ដំបង។

ដោយរថយន្តបង្កម៉ាកហ៊ីយ៉ាន់ដាយពណ៌ស ពាក់ស្លាកលេខកំពង់ចាម៣A.៩៦១០ធ្វើដំណើរច្រាសទិសគ្នា ពីត្បូងទៅជើង បើកបរដោយឈ្មោះ រឺន សំណាង ភេទប្រុស អាយុ២៦ឆ្នាំ រស់នៅភូមិព្រៃដាច់ ឃុំអូរតាគី ស្រុកថ្មគោល និងអ្នករួមដំណើរចំនួន០៣នាក់ផ្សេងទៀត ក្នុងនោះរបួសធ្ងន់ចំនួន២នាក់ និងស្រាល១នាក់។

ចំណែករថយន្តរងគ្រោះ ម៉ាកហ៊ីយ៉ាន់ដាយដូចគ្នាពណ៌ខៀវ ពាក់ស្លាកលេខពោធិ៍សាត់៣A.១០១៧ បើកបរដោយឈ្មោះ សារី សំបូរ ភេទប្រុស អាយុ៤០ឆ្នាំ រស់នៅភូមិធ្នស់តាចាប ឃុំស្នាមព្រះ ស្រុកបាកាន ខេត្តពោធិ៍សាត់ (ដឹកជី)និងអ្នករួមដំណើរ១នាក់ជាប្រពន្ធរបួសស្រាល។

ប្រភពនៅទីតាំងកើតហេតុបញ្ជាក់ថា មុនពេលកើតហេតុគេឃើញរថយន្តបែនទ្រុងទទេ បានបើកយ៉ាងលឿនក្នុងស្ថានភាពផ្លូវមានភ្លៀងធ្លាក់ផងនោះ ក៏រ៉េចង្កូតទៅបុកជាមួយរថយន្តដឹកជីពេញទំហឹងតែម្តង។ បច្ចុប្បន្នអ្នករងរបួសខាងលើកំពុងសម្រាកព្យាបាលនៅមន្ទីរពេទ្យបង្អែកស្រុក ចំណែករថយន្តទាំងពីរសមត្ថកិច្ចយកមករក្សាទុករង់ចាំដោះស្រាយនៅពេលក្រោយ៕

អត្ថបទ៖ សៅ សារិទ្ធ

Related Topics:គ្រោះថ្នាក់ចរាចរណ៍ខេត្តបាត់ដំបង

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា