រថយន្ដដឹកខ្សាច់បុកនិងកិនអ្នកដឹកឥវ៉ាន់អនឡាញម្នាក់ស្លាប់យ៉ាង​អាណោចអាធ័ម​
Connect with us
Helistar Cambodia - Helicopter Charter Services

ចរាចរណ៍

រថយន្ដដឹកខ្សាច់បុកនិងកិនអ្នកដឹកឥវ៉ាន់អនឡាញម្នាក់ស្លាប់យ៉ាង​អាណោចអាធ័ម​

បានផុស

នៅ

បុរស​ម្នាក់​បាន​ស្លាប់​ភ្លាមៗ​យ៉ាង​អ​ណោ​ច​អាធ័ម​ខណៈ​កំពុង​ជិះ​ម៉ូតូ​លើ​ដងផ្លូវ​ត្រូវ​រថយន្ដ​ដឹក​ខ្សាច់​បុក​ពីមុខ​ពេញទំហឹង​ និង​កិន​អូស​ជាង​៥០​ម៉ែត្រ បង្ក​ការភ្ញាក់ផ្អើល​កាលពី​វេលា​ម៉ោង​៨​យប់ ថ្ងៃទី​២៩ ខែកក្កដា ឆ្នាំ​២០២១ ស្ថិតនៅតាម​បណ្ដោយ​ផ្លូវ​៦០​ម៉ែត្រ ក្នុង​សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ​។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនរងគ្រោះ​មានឈ្មោះ ពៅ ភេទ​ប្រុស អាយុ​៣៤​ឆ្នាំ មុខរបរ​អ្នក​ដឹកជញ្ជូន​តាម​អន​ឡាញ មាន​ស្រុក​កំណើត​នៅ​ខេត្តស្វាយរៀង បច្ចុប្បន្ន​រស់នៅ​សង្កាត់​ព្រែក​ហូរ ក្រុង​តាខ្មៅ ខេត្តកណ្តាល ។

តាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹក​ថា មុនពេល​កើតហេតុ​គេ​ឃើញ​រថយន្ដ​ដឹក​ខ្សាច់​មួយ​គ្រឿង​ម៉ាក​ហ៊ី​យ៉ាន់​ដាយ ពណ៌​លឿង ពាក់​ស្លាក​លេខ​ភ្នំពេញ​3F-7419 ធ្វើដំណើរ​តាម​បណ្ដោយ​ផ្លូវ​៦០​ម៉ែត្រ ទិសដៅ​ពី​ត្បូង​មក​ជើង​ក្នុង​ល្បឿន​លឿន ខណៈ​ពេលមកដល់​ចំណុចកើតហេតុ​ក៏​បុក​ម៉ូតូ​មួយគ្រឿង​ម៉ាក​ហុងដា​ឌ្រី​ម ស៊េរីឆ្នាំ​២០២០ ពណ៌​ខ្មៅ​ ពាក់​ស្លាក​លេខ​កណ្ដាល​1 -V6274 ជិះ​ដោយ​បុរស​ម្នាក់​បញ្ច្រាសទិស​គ្នា​ពី​ជើង​មក​ត្បូង​ពេញទំហឹង​ និង​កិន​ម៉ូតូ​អូស​ជាង​៥០​ម៉ែត្រ​រង​ការខូចខាត​ទាំងស្រុង ចំណែក​ជនរងគ្រោះ​បាន​បែកក្បាល​ស្លាប់​ក្នុង​ថ្លុកឈាម​យ៉ាង​អាណោចអាធ័ម​។

ក្រោយពេល​កើតហេតុ សមត្ថកិច្ច​មូលដ្ឋាន​បាន​សហការ​ជាមួយ​សមត្ថកិច្ច​ជំនាញ​ចរាចរណ៍​ខណ្ឌមានជ័យ​​ចុះទៅ​ធ្វើការ​វាសវែង​យក​រថយន្ត​បង្ក ​និង​ម៉ូតូ​ទៅ​រក្សាទុក​នៅ​ការិយាល័យ​ចរាចរណ៍​ផ្លូវគោក នៃ​ស្នងការ​ដ្ឋាន​នគរបាល​រាជ​ធានី​ភ្នំពេញ​ រង់ចាំ​ដោះស្រាយ​តាមច្បាប់។ ចំណែក​សព​ត្រូវ​បានប្រគល់​ឲ្យ​ទៅ​សាច់ញាតិ​ក្រុមគ្រួសារ​យកទៅ​ធ្វើបុណ្យ​តាម​ប្រពៃណី​៕​

អត្ថបទ ៖ សុខា​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services