Connect with us

ព័ត៌មានអន្ដរជាតិ

EU អនុម័តច្បាប់ស្ដីពី AI ដែលនឹងហាមឃាត់កម្មវិធីរសើបមួយចំនួន

បានផុស

នៅ

សភា​សហភាព​អឺរ៉ុប​ (EU) កាល​ពី​ថ្ងៃ​ទី​១៣ ខែមីនា ឆ្នាំ២០២៤ ​កន្លង​ទៅ​នេះបាន​អនុម័ត​ច្បាប់​​ស្តី​ពី​បញ្ញា​សប្បនិម្មិត ឬ​AI ជា​មួយសំឡេងគាំ​ទ្រ​ច្រើន​លើស​លុប​ក្នុងការបោះឆ្នោតដែលធ្វើ​ឡើង​នា​​ទី​ក្រុង​ Strasbourg ​ប្រទេស​បារាំង ​។ នេះ​បើ​តាម​ការ​ចុះ​ផ្សាយ​របស់​​សារព័ត៌មាន CNBC

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សភា​អឺរ៉ុប​បាន​​អនុម័ត​​ច្បាប់​ខាង​លើ​នេះ​ដោយ​​​មាន ​៥២៣ សំឡេង​​គាំទ្រ ៤៦ ​សំឡេងប្រឆាំង និង ​៤៩​​ អនុប្បវាទ​ ខណៈ​​ស្នង​ការ​សភា​សហភាព​អឺរ៉ុប​ផ្នែក​ទី​ផ្សារ​អន្តរ​ជាតិ លោក Thierry Breton ក៏​បាន​​ស្វាគមន៍​​ទៅ​លើ​​លទ្ធផល​អនុម័ត​នេះផងដែរ​ ដោយ​បាន​លើក​ឡើង​ថា “​នៅ​ពេល​នេះ​ អឺរ៉ុបគឺ​​ស្ថិត​ក្នុង​កម្រិត​កំណត់​ស្តង់​ដារ​​​ពិភព​លោក​មួយ​​​ក្នុង​វិស័យ​ AI” ។

ចំណែកច្បាប់​ស្តី​​ពី​បញ្ញា​សប្បនិម្មិត (AI) ​របស់​សហភាព​អឹរ៉ុប​នេះ​ផ្ដោតសំខាន់លើដំណោះ​ស្រាយ​នៃ​​ហានិភ័យ​​ធំៗដែល​អាច​កើត​​ចេញ​ពី​កម្ម​វិធី AI ។ ក្នុង​អំណាច​ឥទ្ធិពល​​ច្បាប់​ថ្មី​នេះ កម្ម​វិធី​ AI ធំ​ៗ​មួយ​ចំនួន​នឹង​ត្រូវ​ហាម​ឃាត់ រួម​​មាន​ កម្មវិធី​មធ្យោបាយ​កំណត់​អត្ត​សញ្ញាណ​​បុគ្គល និង​​ប្តូរ​​​រូប​ភាព​​​មុខ​របស់​បុគ្គល​​ណា​មួយ​នៅ​ក្នុង​រូប​ភាព​ពី​អ៊ីន​ធឺណិត ឬ​កាមេរ៉ា​ CCTV ដើម្បី​កំណត់​យក​ទិន្នន័យ​ប្រើ​ប្រាស់​ជា​ដើម​ ។

​​​​​​បន្ថែម​ពី​នោះ​ច្បាប់​អនុម័ត​ថ្មី​នេះនឹង​ហាម​ឃាត់​​​លើ​កម្មវិធី​​​កំណត់​ដឹង​ទិន្នន័យ​បង្ហាញ​ពី​​អារម្មណ៍​នៅ​​កន្លែង​ធ្វើ​ការ ឬ​ពី​សាលា ​កម្មវិធី​ទស្សន៍ទាយ​​គោល​នយោបាយ ឬ​ការ​រក​ពិន្ទុ​ផ្សេង​ៗដែល​ Al ​បង្កើត​​ឡើង​មាន​សមត្ថភាព​​​តាម​ដាន​សកម្មភាព​​​អាកប្បកិរិយា​មនុស្ស និង​អាច​ត្រូវ​ប្រើ​ប្រាស់​ជា​ការ​​​កេង​ប្រវ័ញ្ច​លើ​ចំណុច​ខ្សោយ​ណា​មួយ​​របស់​មនុស្ស​​​ផង​ដែរ​ ។

សម្រាប់​ច្បាប់​ស្តី​ពី​ AI ​​នេះ​នឹង​អាច​​ចូល​ជា​ធរមាន​អនុវត្ត​ចាប់​ពី​ខែ​ឧសភា​ខាង​មុខ ដោយ​មាន​ការ​ចុះ​ផ្សាយ​ផ្លូវ​ការ​ក្នុង​ព្រឹត្តិបត្រ​ផ្លូវ​ការ​របស់​សហភាព​អឺរ៉ុប​ ។ ​ច្បាប់​ថ្មី​នេះ នឹង​អាច​អនុវត្ត​ពេញ​លេញ​បាន​នៅ​រយៈ​ពេល ២ ឆ្នាំ​ក្រោយ ដោយ​មាន​​កាល​កំណត់​រយៈ​ពេល​​លម្អិត​ទៅ​លើ​​​ការ​ហាម​ឃាត់​​លើ​​ទម្រង់​នី​មួយ​ៗ ក្រម​សីលធម៌ ក៏​ដូច​ជា​ហានិភ័យ​​​ជាក់​លាក់​មួយ​​ចំនួន​ធំ​ ៕​

ដោយ​៖ មាន រតនា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៣ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៣ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៤ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៥ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម