សមត្ថកិច្ចរកឃើញអាវុធមួយចំនួននៅលើផ្ទះពលរដ្ឋក្នុងស្រុកស្វាយលើ

នៅថ្ងៃទី១៨ ខែមីនា ឆ្នាំ២០២៤ សមត្ថកិច្ច រកឃើញអាវុធមួយចំនួននៅលើផ្ទះកសិករវ័យចំណាស់ម្នាក់ ស្ថិតនៅភូមិទ័ពជ័យ ឃុំបឹងមាលា ស្រុកស្វាយលើ ខេត្តសៀមរាប។

សមត្ថកិច្ចបានឱ្យដឹងថា ករណីនេះ នៅមិនទាន់ដឹងមូលហេតុច្បាស់លាស់នៅឡើយ ប៉ុន្តែពេលកើតហេតុ មានសំលេងផ្ទុះគ្រាប់ឮខ្លាំងៗ ជាច្រើនគ្រាប់ចេញពីកន្លែងកើតហេតុតែម្ដង។ សមត្ថកិច្ចបានបញ្ជាក់ថា ក្រោយមកកម្លាំងចុះទៅដល់បានធ្វើកាដកហូត បានអាវុធវែងមួយដើមម៉ាក AK ស្វាយ ១ដើម គ្រាប់ចំនួន ១២គ្រាប់ កាំភ្លើងច្នៃបាញ់កាំជ្រួចចំនួន ៣ដើម ក្បាលគ្រាប់កាំជ្រួចចំនួន ៤គ្រាប់ បំណែកគ្រាប់មួយចំនួន ដកហូតម៉ូតូ ២គ្រឿង និងឃាត់ខ្លួនមនុស្ស ២នាក់ យកទៅអធិការ ក្នុងនោះរត់បាត់ម្នាក់។

ទោះជាយ៉ាងនេះក្តី បច្ចុប្បន្នសមត្ថកិច្ចកំពុងធ្វើការសួរនាំ ដើម្បីឈានទៅដល់ស៊ើបអង្កេតឱ្យបានព័ត៌មានលម្អិតពាក់ព័ន្ធនឹងការរក្សាទុកអាវុធខុសច្បាប់ទាំងនេះ៕

អត្ថបទ៖ កុសល