Connect with us

ព័ត៌មានអន្ដរជាតិ

អ៊ីស្រាអែល វាយឆ្មក់មន្ទីរពេទ្យនៅ ហ្គាហ្សា សម្លាប់សកម្មប្រយុទ្ធ ប៉ាឡេស្ទីន ២០ នាក់

បានផុស

នៅ

យោធាអ៊ីស្រាអែលបានសម្លាប់ជនសកម្មប្រយុទ្ធប៉ាឡេស្ទីន ២០ នាក់ និងជាច្រើននាក់ទៀតត្រូវបានចាប់ខ្លួន ក្នុងអំឡុងពេលវាយឆ្មក់លើមន្ទីរពេទ្យ Al-Shifa ក្នុងទីក្រុងហ្គាហ្សា បន្ទាប់ពីដាក់ផ្ទាំងស៊ីបសម្លាប់ក្រុមសកម្មប្រយុទ្ធជាន់ខ្ពស់របស់ក្រុមហាម៉ាស ។ នេះបើយោងតាមការចេញផ្សាយរបស់សារព័ត៌មាន CNA នៅថ្ងៃទី​១៩ ខែ​មីនានេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោធាអ៊ីស្រាអែលបានឆ្មក់ចូលជាមួយរថក្រោះ និងការវាយប្រហារតាមអាកាសលើតំបន់ជុំវិញមន្ទីរពេទ្យដ៏ធំបំផុតរបស់តំបន់គ្រប់គ្រងដោយក្រុមហាម៉ាស ដែលជាកន្លែងស្មុគស្មាញប្រមូលផ្តុំដោយអ្នកជំងឺ និងប្រជាជនផ្លាស់ទីលំនៅ ។ ការវាយប្រហារក្នុងតំបន់ជុំវិញមន្ទីរពេទ្យនេះ បានធ្វើឲ្យមនុស្សរាប់រយនាក់ ភាគច្រើនជាកុមារ ស្ត្រី និងមនុស្សចាស់បានភៀសខ្លួនចេញពីផ្ទះសម្បែងរបស់ពួកគេទាំងភ័យស្លន់ស្លោរ ។

យោងតាមលោក Daniel Hagari អ្នកនាំពាក្យយោធារបស់អ៊ីស្រាអែលបាននិយាយនៅក្នុងសេចក្តីថ្លែងការណ៍តាមទូរទស្សន៍ថា ក្នុងអំឡុងពេលប្រតិបត្តិការ អ៊ីស្រាអែលបានចាប់ខ្លួនជនសង្ស័យជាក្រុមអ្នកប្រយុទ្ធជាង ២០០ នាក់ ហើយបច្ចុប្បន្នពួកគេកំពុងស្ថិតក្នុងការស៊ើបអង្កេត ខណៈកម្លាំងទ័ពអ៊ីស្រាអែលថែមទាំងបានសម្លាប់សកម្មប្រយុទ្ធជាង ២០ នាក់នៅក្នុងបរិវេណមន្ទីរពេទ្យ ហើយក្នុងចំណោមអ្នកស្លាប់ក៏មានប្រធានប្រតិបត្តិការពិសេសរបស់ក្រុមហាម៉ាសផងដែរ ។

ប្រតិបត្តិការយោធាអ៊ីស្រាអែលវាយឆ្មក់ជុំវិញមន្ទីរពេទ្យនេះ ក៏បង្កឲ្យមានការរិះគន់ជាអន្តរជាតិ និងមានការជូនដំណឹងពីអង្គការសុខភាពពិភពលោកផងដែរ ។ យោងតាមអង្គការសហប្រជាជាតិបានឲ្យដឹងថា មន្ទីរពេទ្យភាគច្រើននៅហ្គាហ្សាលែងដំណើរការទៀតហើយ ខណៈទើបតែបានស្ដារឡើងវិញនូវសេវាសុខភាពបានតិចតួចប៉ុណ្ណោះ ។

គួរបញ្ជាក់ថា យោធាអ៊ីស្រាអែល​បាន​ធ្វើ​ប្រតិបត្តិការទម្លាក់គ្រាប់បែកឥតឈប់ឈរ និងការវាយលុក​នៅ​មន្ទីរពេទ្យ​ផ្សេង​ទៀត​ក្នុង​តំបន់​ហ្កាហ្សា​ ចាប់​តាំង​ពី​សង្គ្រាម​បាន​ផ្ទុះ​ឡើង​នៅ​ថ្ងៃ​ទី៧ ខែ​តុលា ឆ្នាំ២០២៣ មកម្ល៉េះ ដែល​បាន​សម្លាប់​មនុស្ស​រាប់ម៉ឺននាក់ ដែល​ភាគ​ច្រើន​ជា​ស្ត្រី និង​កុមារ ៕

អត្ថបទ ៖ ប៊ុន សុភាព

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៣ នាទី មុន

ស្ត្រីវៀតណាមដែលបានលក់ផ្លែពុតទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអជ្ញាធរ

ព័ត៌មានជាតិ១៩ នាទី មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ១ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ១ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៣ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម