កីឡា

ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល

បានផុស

២ years មុន

នៅ

ថ្ងៃសុក្រ ១៥ មីនា ២០២៤

ដោយ

កីឡាករម៉ុងហ្គោលី Bat Erdene បានឈ្នះខ្សែក្រវាត់កម្រិតពិភពលោក I-1 GP24: Supreme Championship ទម្ងន់៦២គីឡូក្រាម បន្ទាប់ពីបានយកឈ្នះកីឡាករអាហ្វ្រិកខាងត្បូង GOMBA NCEDO ដោយពិន្ទុតាមរយៈការតស៊ូគ្នា៣ទឹកនៅទឹកដីហុងកុងកាលពីថ្ងៃទី១២ ខែមីនា ឆ្នាំ២០២៤ ដែលជាពេលអ្នកលេងគុនខ្មែរ ឈឿង ល្វៃ ឈ្នះខ្សែក្រវាត់នៅរាត្រីនោះដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Bat Erdene ដែលជាកីឡាករប្រដាល់សេរីជម្រើសជាតិម៉ុងហ្គោលីត្រូវបានទទួលស្វាគមន៍ និងអបអរសាទរដោយមានរថយន្តទទួលរូបគេ បន្ទាប់ពីនាំខ្សែក្រវាត់កម្រិតពិភពលោកទៅកាន់ប្រទេសកំណើត។ ជាមួយគ្នានេះស្ថាប័នទូរទស្សន៍ជាតិរបស់ប្រទេសម៉ុងហ្គោលីបានធ្វើបទសម្ភាសពីជ័យជម្នះរបស់ខ្លួនដែលបាននាំខ្សែក្រវាត់ជូនជាតិ។ ទោះបីជាយ៉ាងណា មានតែរថយន្ត លើកទង់ជាតិ និងរថយន្តក្រុមការងារអមដំណើរវិលត្រឡប់ទៅវិញ ប៉ុន្តែមិនមានក្បួនដង្ហែអធិកអធមដូចកីឡាករកម្ពុជា ឈឿង ល្វៃទេ។

កីឡាករ Bat Erdene ដែលបានយកឈ្នះ Gamba Ncedo អតីតដៃគូរបស់កីឡាករកម្ពុជា លន បញ្ញា ក៏បានដឹងពីការគាំទ្រយ៉ាងខ្លាំងនៅប្រទេសកម្ពុជាទាំងថ្នាក់ដឹកនាំ និងមហាជនចំពោះកីឡាករ ឈឿង ល្វៃ ដោយមានការទទួលស្វាគមន៍យ៉ាងកក់ក្តៅ និងថវិកាយ៉ាងច្រើន។

កីឡាករ Bat Erdene ដែលមានខ្សែក្រវាត់ថ្នាក់ជាតិម៉ុងហ្គោលីជាជើងខ្លាំងម្នាក់ដែលមានរៀបវ៉ៃដើរចូលយ៉ាងល្អរហូតទទួលបានជ័យជម្នះលើកីឡាករ Gamba Ncedo ដែលជាម្ចាស់ខ្សែក្រវាត់ច្រើនគ្រឿងរបស់អាហ្វ្រិកខាងត្បូង៕