រថយន្តគេចពីកង់បីជ្រុលបុក បង្គោលស្លាកសញ្ញា​និងចូលផ្ទះប្រជាពលរដ្ឋ​រងការខូចខាត

បុរសម្នាក់បេីករថយន្តដឹកបន្លែគេចពីកង់បីមួយគ្រឿងទាញចង្កូតជ្រុលបុកបង្គោលស្លាកសញ្ញា និងបន្តចូលផ្ទះប្រជាពលរដ្ឋបណ្តាលឱ្យរងការខូចខាតយ៉ាងដំណំ។

ហេតុការណ៍ នេះបានកេីតឡេីងកាលពីវេលាម៉ោង១រំលងអាធ្រាត្រ ឈានចូលថ្ងៃទី២៥ ខែសីហា ឆ្នាំ២០២១ នៅចំណុចផ្លូវលេខ២៧១ កែងផ្លូវលេខ៤៣២ ក្នុងសង្កាត់ទួលទំពូងទី២ ខណ្ឌចំការមន។

តាមសាក្សីកន្លែងកេីតហេតុបា នឱ្យដឹងថា មុនពេលកេីតហេតុគេបានឃេីញបុរសម្នាក់បេីករថយន្ត​ហ៊ីយាន់​ដាយ ពណ៌ស រួមដំណេីរជាមួយកូនប្រុសតូចម្នាក់ ធ្វេីដំណេីរតាមបណ្តោយផ្លូវ២៧១ ក្នុងទិសដៅពីត្បូងទៅ​ជេីង ខណៈមកដល់ចំណុចកេីតហេតុក៏បានទាញចង្កូតបត់ឆ្វេង មកតាមបណ្តោយផ្លូវ៤៣២ ភ្លាមនោះស្រាប់​តែមានកង់បីមួយគ្រឿងបេីកមកខាងមុខក៏គេចជ្រុលទៅបុកចូលផ្ទះប្រជាពលរដ្ឋនិងបង្គោលស្លាកសញ្ញារងការខូចខាតយ៉ាងដំណំសំណាកមិនមានមនុស្សរងរបួស។

ក្រោយកេីតហេតុសមត្ថកិច្ចបានចុះមកដល់ចំណុចកេីតហេតុនិងយករថយន្តទៅរក្សាទុករងចាំដោះស្រាយតាមច្បាប់៕

ដោយ៖ សុខា