ចរាចរណ៍

ម៉ូតូ ២ គ្រឿងបុកគ្នា បណ្តាលឲ្យមនុស្ស ២ នាក់ស្លាប់ នៅសង្កាត់ព្រែកឯង

បានផុស

៤ years មុន

នៅ

ថ្ងៃសុក្រ ៤ មីនា ២០២២

ដោយ

មនុស្សប្រុស ២ នាក់ បានស្លាប់ ដោយករណីគ្រោះថ្នាក់ចរាចរណ៍ នៅលើផ្លូវជាតិលេខ២(ផ្លូវថៃហ្គឺរ)ភូមិចុងព្រែក សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅបានឲ្យដឹងថា គ្រោះថ្នាក់ចរាចរណ៍នេះកើតឡើងនៅវេលាម៉ោង ១៨ និង ២០ នាទីយប់ កាលពីថ្ងៃទី ៣ ខែមិ នា នៅក្បែរស្ថានីយ៍ទូរទស្សន៍ហង្ស មាសផ្លូវ(ថៃហ្គឺរ) បង្កឡើងដោយម៉ូតូ ២ គ្រឿងបើកបក្នុងទិសដៅបញ្ច្រាស់គ្នា។

ក្នុងនោះអ្នកស្លាប់ទី១ឈ្មោះ អ៊ឹង គឹមឆាយ ភេទប្រុស អាយុ ១៨ ឆ្នាំ មុខរបរសិស្ស រស់នៅភូមិ១ក ឃុំស្វាយរលំ ស្រុកស្អាងខេត្តកណ្តាល បើកបរម៉ូតូសេ១២៥ពណ៌ខ្មៅ ពាក់ស្លាកលេខភ្នំពេញ ១IZ៤៧៤៤ (ស្លាប់) ហើយជនរងគ្រោះបានឌុបឈ្មោះ ឈិន រចនា ភេទស្រី អាយុ ១៧ ឆ្មាំ ស្នាក់នៅភូមិព្រែកតានូ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។ ដោយឡែកភាគីម្ខាងដែលស្លាប់នោះឈ្មោះ យ៉ង សារត្ន័ ភេទប្រុស អាយុ ៣៨ ឆ្នាំ មុខរបរកម្មករ ស្នាក់នៅភូមិ៨ ឃុំកំពង់លាវ ស្រុកព្រៃវែង ខេត្តព្រៃវែង ដែលជនរងគ្រោះបើកបរម៉ូតូ ប៊ិត ពណ៌ខ្មៅ ពាក់ស្លាកលេខកំពង់ស្ពឺ ១S ៤៨ ២៧។

លោកអធិការរង ឯក សារ៉ន បានបញ្ជាក់ថា ម៉ូតូទាំង ២ គ្រឿង បើកបរបញ្ច្រាសទិសគ្នា ម៉ូតូប៊ិតបើកបរពីត្បូងទៅជើង ឯម៉ូតូសេ ១២៥ បើកបរពីជើងទៅត្បូង។ ចំពោះសពជនរងគ្រោះទាំង ២ ត្រូវបានគ្រួសារសពមកដឹកយកទៅធ្វើបុណ្យនៅស្រុកកំណើតទាំងយប់ទៀតផង៕

អត្ថបទ៖ នរា

Related Topics:គ្រោះថ្នាក់ចរាចរណ៍

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា