ចរាចរណ៍
ស្លាប់៤នាក់ និងរបួសធ្ងន់ម្នាក់ក្នុងហេតុការណ៍គ្រោះថ្នាក់ចរាចរណ៍រវាងរថយន្ដធុនធំ២គ្រឿង
មនុស្សប្រុស-ស្រី៤នាក់បានស្លាប់ភ្លាមៗ និងម្នាក់ទៀតរងរបួសក្នុងហេតុការណ៍គ្រោះថ្នាក់ចរាចរណ៍រវាងរថយន្តធុនធំ២គ្រឿងបុកគ្នានៅលើផ្លូវជាតិលេខ២ ក្នុងទឹកដីខេត្តតាកែវ។
តាមការបញ្ជាក់ពីលោក ជៀវ សុខា អធិការរងទទួលបន្ទុកផែនចរាចរណ៍ស្រុកទាំង បានឲ្យដឹងថា ករណីនេះបានកើតឡើងនៅវេលាម៉ោងប្រហែល១យប់ ថ្ងៃទី១១ ខែមេសា ឆ្នាំ២០២២ លើផ្លូវជាតិលេខ២ ចន្លោះគីឡូម៉ែត្រ៩៤-៩៥ ត្រង់ចំណុចភូមិជ្រេ ឃុំជីខ្មា ស្រុកទ្រាំង ខេត្តតាកែវ រវាងរថយន្តនិងរថយន្តបញ្ច្រាស់ទិសគ្នា។
លោកអធិការរងបន្តថា រថយន្តទី១ម៉ាកហ៊ីយ៉ាន់ដាយពណ៌ស ពាក់ស្លាកលេខ តាកែវ 3A-3211 ជារថយន្តដឹកមាន់ បើកបរដោយឈ្មោះ រត់ សត្យា ភេទប្រុសអាយុ១៨ឆ្នាំ មុខរបរបើកបររថយន្ត រស់នៅភូមិប្រសុង ឃុំតាភេមស្រុកត្រាំកក់ ខេត្តតាកែវ ស្លាប់នៅកន្លែងកើតហេតុ និងអ្នករួមដំណើរ ២នាក់ឈ្មោះ ចិន ហ៊ាន ភេទប្រុស អាយុ២១ឆ្នាំ មុខរបរកម្មករលើកមាន់ រស់នៅភូមិព្រៃសណ្ដែក ឃុំព្រៃស្លឹក ស្រុកទ្រាំង ស្លាប់នៅនឹងកន្លែងកើតហេតុ និងឈ្មោះ ស ឆាត ភេទប្រុសអាយុ២៣ឆ្នាំ មុខរបរកម្មករលើកមាន់ រស់នៅភូមិក្រោម សង្កាត់ចុងឃ្នាស់ ខេត្តសៀមរាប ស្លាប់នៅនឹងកន្លែងកើតហេតុ។ ដោយឡែករថយន្តដឹកស្រូវ ម៉ាក FUSO ពណ៌ស ពាក់ស្លាកលេខ តាកែវ 3A-1188 អ្នកបើកបរឈ្មោះ វ៉ាន់ វ៉ានភេទប្រុស អាយុ៣៧ឆ្នាំ រស់នៅភូមិតារោង ឃុំភ្នំដិន ស្រុកគីរីវង់ រងរបួសធ្ងន់ និងអ្នករួមដំណើរឈ្មោះ ថាវ ស្រីឡែន អាយុ២៣ឆ្នាំ មុខរបរអាជីវករ រស់នៅភូមិឃុំជាមួយគ្នារងរបួសធ្ងន់និងបានស្លាប់ពេលបញ្ជូនដល់មន្ទីរពេទ្យខេត្តតាកែវ ។
ចំពោះមូលហេតុលោកអធិការរងបញ្ជាក់ថា ខាងអ្នកបើកបររថយន្តដឹកមាន់ដែលមានទិសដៅពីត្បួងមកជើង ងងុយដេកក៏ជ្រុលចង្កូតទៅបុករថយន្ដដឹកស្រូវដែលមានទិសដៅពីជើងទៅត្បួង។
បច្ចុប្បន្នមធ្យោបាយពាក់ព័ន្ធទាំងពីរគ្រឿងត្រូវបានយកមករក្សាទុកនៅអធិការដ្ឋាននគរបាលស្រុកទ្រាំងដើម្បីកសាងសំណុំរឿងតាមនីតិវិធី ចំណែកសពជនរងគ្រោះត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ៖ វីរៈ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ