Connect with us

ចរាចរណ៍

ព្រឹកនេះព្រះរាជអាជ្ញាកំពុងស៊ើបសួរជនបង្កគ្រោះថ្នាក់ចរាចរណ៍នៅខណ្ឌឬស្សីកែវ

បានផុស

នៅ

នៅព្រឹកថ្ងៃទី២៣ ខែមករា ឆ្នាំ២០២៤នេះ ជនដែលបើកបររថយន្តទាំងមានជាតិស្រវឹងក្នុងខ្លួនបង្កគ្រោះថ្នាក់បណ្តាលឱ្យមនុស្សស្លាប់ចំនួន៤នាក់ និងរងរបួសធ្ងន់ស្រាលចំនួន៤នាក់នៅខណ្ឌឬស្សីកែវ ត្រូវសមត្ថកិច្ចបញ្ជូនមកដល់សាលាដំបូងរាជធានីភ្នំពេញហើយ ដើម្បីអនុវត្តតាមនិតិវិធី។

លោក ប្លង់ សុផល អ្នកនាំពាក្យអយ្យការអមសាលាដំបូងរាជធានីភ្នំពេញបានបញ្ជាក់ថា ជនសង្ស័យ និងសំណុំរឿងបង្កគ្រោះថ្នាក់ចរាចរបានមកដល់អយ្យការហើយ តែតំណាងអយ្យការមិនទាន់សម្រេចបែបណាទេ ព្រោះកំពុងចាត់ការបន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមរំលឹកថា ជនបង្កត្រូវបានសមត្ថកិច្ចឃាត់ខ្លួននៅព្រលប់ថ្ងៃទី២០ ខែមករា ឆ្នាំ២០២៤ មានឈ្មោះ នាង សំអូន ភេទប្រុស ជាមន្ត្រីនៅក្រសួងសេដ្ឋកិច្ច និងហិរញ្ញវត្ថុ។ ក្រោយការឃាត់ខ្លួនសាកសួរនៅការិយាល័យជំនាញនៃស្នងការដ្ឋាននគរបាលរាជធានីភ្នំពេញ បានអះអាងថា ករណីគ្រោះថ្នាក់នោះ បណ្តាលមកពីអ្នកបើកបរល្បឿនលឿន ធ្វេសប្រហែស ខ្ជះខ្ជាយ រួមនឹងស្ថានភាពស្រវឹង ដែលមានអត្រាជាតិអាល់កុលផង ពោលគឺស្រវឹងបាត់ស្មារតីទៅហើយ ។

សូមបញ្ជាក់ថា នៅថ្ងៃទី២០ ខែមករា ឆ្នាំ២០២៤ វេលាម៉ោង១៨និង៤០នាទី នៅចំណុចស្តុបស្ពានឫស្សីកែវ ផ្លូវជាតិ​លេខ៥ ភូមិមិត្តភាព សង្កាត់ឫស្សីកែវ ខណ្ឌឫស្សីកែវ មានករណីគ្រោះថ្នាក់ចរាចរណ៍មួយបង្កឡើងដោយរថយន្តម៉ាក Ford Ranger ពណ៌ស ពាក់ផ្លាកលេខ ភ្នំពេញ ២AZ-៥៨៥៤ បើកបរដោយឈ្មោះ នាង សំអូន ភេទប្រុស មុខរបរមន្ត្រីនៅក្រសួងសេដ្ឋកិច្ច និងហិរញ្ញវត្ថុ មានទីលំនៅផ្ទះលេខ៤០A ផ្លូវលេខ២១០ ភូមិ៤ សង្កាត់ច្រាំងចំរេះ១ ខណ្ឌឫស្សីកែវ។

ក្នុងករណីនេះអ្នកបើកបរល្បឿនលឿនក្នុងស្ថានភាពស្រវឹង(កម្រិតជាតិអាកុល ០.៥៤) ទៅបុករះរថយន្តចំនួន២​គ្រឿង​(រថយន្តម៉ាក Lexus NX២០០T, រថយន្តម៉ាក Toyota Vitz) និងម៉ូតូចំនួន ៤គ្រឿង(ម៉ូតូម៉ាក Honda Click, ម៉ូតូម៉ាក Honda Beat, ម៉ូតូម៉ាក Honda Dream, ម៉ូតូម៉ាក Honda Scoopy) សរុបចំនួន៦គ្រឿង បណ្តាលឱ្យមានមនុស្សស្លាប់នៅកន្លែងកើតហេតុ៤នាក់ (ស្រី៣នាក់) និងរងរបួសធ្ងន់ស្រាលចំនួន៤នាក់ ត្រូវបញ្ចូនទៅសង្គ្រោះនៅមន្ទីរពេទ្យកាល់មែត្រ។

បច្ចុប្បន្នជនសង្ស័យកំពុងស្ថិតក្នុងដំណាក់កាលតំណាងអយ្យការបើការស៊ើបសួរនៅឡើយ៕

អត្ថបទ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម