ភ្ញាក់ផ្អើលជាលើកទី២! ផេនខេក ទម្លាយរឿងបែកស៊ីលីកូនដើមទ្រូងអាចឈានដល់មហារីក

តារាសម្តែង និងជាពិធីការិនី ផេនខេក កន្លងមកត្រូវបានអ្នកគាំទ្រដឹងហើយថាក្រោយពេលនាងវះកាត់ដោះដូរភេទបានសម្រេចហើយនោះរូប គេបានប្រែក្លាយជានារីពេញលក្ខណ: ប៉ុន្តែរឿងដែលអ្វីដែលគេចាប់អារម្មណ៍ស្រាប់តែពេលនេះនាងកំពុងជួបបញ្ហាផ្នែកសុខភាព (បែកស៊ីលីកូនដើមទ្រូង)។

គេនៅចាំបានថាកាលពីអំឡុងដើមខែកញ្ញាឆ្នាំ២០២២ កន្លងទៅ ផេនខេក ធ្លាប់បានបង្ហោះសារដោយផ្តាំផ្ញើទៅបងប្អូនភេទទី៣ ដែលធ្លាប់ឆ្លងវះកាត់ផ្លាស់ប្ដូរភេទចន្លោះពី៥ ទៅ៦ឆ្នាំ កុំភ្លេចទៅពិនិត្យសុខភាពឱ្យបានទៀងទាត់ដោយហេតុថាពេលនេះនាងកំពុងមានអាការ:ឈឺធ្ងន់ព្រោះតែការធ្វេសប្រហេសទើបកើតមានរឿងគួរឲ្យបារម្ភ។

រំលងបានមួយរយ:ធំ ស្រាប់តែ ផេនខេក បានចេញមកទម្លាយរឿងដែលមិននឹកស្មានដល់គឺបែកស៊ីលីកូន ដើមទ្រូង។ ផេនខេក បានរៀបរាប់ថា រយៈពេលប៉ុន្មានឆ្នាំចុងក្រោយនេះ គិតតែពីការងារទោះក្តៅរងារក៏មិនហ៊ានសម្រាកព្រោះតែកាតព្វកិច្ចប៉ុន្តែភ្លេចថែរក្សាសុខភាពខ្លួនឯងរហូតដល់មួយរយៈចុងក្រោយនេះ ក៏ចាប់ផ្ដើមមានអាការៈមិនស្រួលខ្លួនពីមួយថ្ងៃទៅមួយថ្ងៃ ហើយក៏បានទៅឆែកសុខភាពមើលក៏ឃើញថាមានបញ្ហាទាក់ទងជាមួយនឹងស៊ីលីកូនដើមទ្រូង មានការបែកទន្ទឹមទាំងពេលនេះមិនទាន់បានធូរស្រាលផងមានរឿងបែបនេះកើតឡើងទៀត។

ផេនខេក បាននិយាយបន្តថា “ពេលខ្លះក៏សុំទោសខ្លួនឯងដែលធ្វើការហត់នឿយរៀងជ្រុលបន្តិច ប៉ុន្តែដោយសារតែកាតព្វកិច្ចនិងតួនាទីក៏មិនហ៊ានសូម្បីតែប្រើពាក្យត្អូញត្អែរ និងចង់សម្រាកសម្រេចទៅតាមដានសុខភាពបន្តក៏លោកគ្រូពេទ្យបានបញ្ជាក់ប្រាប់ថា បើបន្តទុកស៊ីលីកូន នៅក្នុងខ្លួនទៀត អាចនឹងមានបញ្ហារលៀកកាន់តែខ្លាំងនិងឈានដល់មហារីកជាដើម”៕ ចាន់រ៉ា