ព័ត៌មានជាតិ

បុរសម្នាក់រាយខ្សែភ្លើងឆក់ត្រីក្នុងប្រឡាយ មិនប្រយ័ត្នបណ្តាលឲ្យឆក់ខ្លួនឯងស្លាប់ភ្លាមៗ

បានផុស

៤ years មុន

នៅ

ថ្ងៃអង្គារ ១៣ មេសា ២០២១

ដោយ

ករណីបុរសអាយុ៥៤ឆ្នាំម្នាក់ បានស្លាប់ចោលប្រពន្ធកូន ខណៈដែលរាយខ្សែភ្លើង ដើម្បីឆក់ត្រីហើយមិនប្រយ័ត្នបណ្តាលឲ្យឆក់ខ្លួនឯងស្លាប់ភ្លាមៗ។ ករណីឆក់ខ្សែភ្លើងស្លាប់នេះ បានកើតឡើងកាលពីវេលាម៉ោង១០:១៥នាទី ថ្ងៃទី១៣ ខែមេសា ឆ្នាំ២០២១ នៅភូមិបុស្ស ឃុំស្វាយតាយាន ស្រុកកំពង់រោទិ៍ ខេត្តស្វាយរៀង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសមត្ថកិច្ចបានឲ្យដឹងថា៖ ក្រោយពីបានទទួលពត៌មានភ្លាមសមត្ថកិច្ចជំនាញអធិការស្រុកកំពង់រោទិ៍ បានសហការណ៍ជាមួយប៉ុស្តិ៍រដ្ឋបាលឃុំស្វាយតាយាន និងលោកគ្រូពេទ្យប្រចាំនៅមណ្ឌលសុខភាពស្វាយតាយាន បានចុះដល់កន្លែងកើតហេតុដើម្បីពិនិត្យ។

បន្ទាប់ពីសមត្ថកិច្ច និងគ្រូពេទ្យពិនិត្យរួចមកបានឃើញថា ជនរងគ្រោះខាងលើមានឈ្មោះ សៅ ហន ភេទប្រុស អាយុ៥៤ឆ្នាំ បានតខ្សែភ្លើងចេញពីផ្ទះរបស់ខ្លួន ទៅក្នុងប្រឡាយទឹកខាងត្បូងផ្ទះចម្ងាយប្រហែល៤៥ម៉ែត្រ ដើម្បីឆក់ត្រីតែអកុសលត្រូវខ្សែភ្លើងឆក់ខ្លួនឯង បណ្តាលឲ្យស្លាប់នៅក្នុងប្រឡាយទឹកតែម្តង។ សពត្រូវបានក្រុមគ្រួសារ យកទៅធ្វើបុណ្យតាមប្រពៃណី។ ដោយសារមូលហេតុធ្វេសប្រហែសខ្វះការប្រុងប្រយ័ត្ន៕

អត្ថបទ៖ ភក្ដី

សូមចុចអាន៖ សមត្ថកិច្ចតាមក្រសោបបានយុវជន៥នាក់ពាក់ព័ន្ធការប្រើអាវុធ ដាវកាំបិត គ្រឿងញៀន

Related Topics:ឆក់ស្លាប់