កីឡា

ខ្លាំងនៅតែខ្លាំង កាំង មុយនីន នៅតែល្អផ្នែកហែលទឹកពាក់ជើងទាដោយឈ្នះមេដាយប្រាក់ជាថ្មីនៅឥណ្ឌូណេស៊ី

បានផុស

៤១ នាទី មុន

នៅ

ថ្ងៃចន្ទ ១៧ វិច្ឆិកា ២០២៥

ដោយ

កីឡាការិនីឆ្នើម និងជាជើងខ្លាំងផ្នែកកីឡាហែលទឹកពាក់ជើងទា កាំង មុយនីន នៅតែល្អដោយឈ្នះមេដាយប្រាក់ ១គ្រឿងជូនកម្ពុជាក្នុងព្រឹត្តិការណ៍ជើងឯកអាស៊ីអាគ្នេយ៍ លើកទី២ ដែលកំពុងធ្វើឡើងនៅឯប្រទេសឥណ្ឌូណេស៊ី នៅពេលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាការិនី កាំង មុយនីន(រូបភាពផេកសហព័ន្ធ)

នេះបើតាមការបញ្ជាក់ពីផេកសហព័ន្ធខ្មែរកីឡាហែលទឹកគឺកីឡាការិនី កាំង មុយនីន បានឈ្នះមេដាយប្រាក់ ១គ្រឿងលើវិញ្ញាសា ៤០០ម៉ែត្រ ហែលរបៀប Bi-Fins។ តាមរយៈមេដាយនេះគឺបានបញ្ជាក់ពីសមត្ថភាពលេចធ្លោ និងបន្តធ្វើបានល្អដណ្ដើមមេដាយបានជាថ្មីជូនជាតិមាតុភូមិ។

កីឡាករ លឹម សុខវឌ្ឍន៍នន្ទ

គិតមកដល់ពេលនេះមិនមែនឈ្នះមេដាយតែកីឡាការិនី កាំង មុយនីន ម្នាក់នោះទេ ពោលកម្ពុជាឈ្នះមេដាយសរុប ៣គ្រឿងហើយ។ មេដាយប្រាក់ ១គ្រឿងឈ្នះដោយ កាំង មុយនីន វិញ្ញាសា ៤០០ម៉ែត្រ ហែលរបៀប Bi-Fins។ មេដាយ សំរឹទ្ធ ១គ្រឿងផ្នែកឯកកត្តជន ឈ្នះដោយ លឹម សុខវឌ្ឍន៍នន្ទ លើវិញ្ញាសា ១៥០០ម៉ែត្រ ហែលរបៀប Surface។ មេដាយសំរឹទ្ធ ១គ្រឿងផ្នែកជាក្រុម ឈ្នះដោយ លឹម សុខវឌ្ឍន៍នន្ទ, ឆោម ច័ន្ទថន, ទួន ទិត្យសត្យា, និង លឹម នរវិទូ លើវិញ្ញាសា ៤x១០០ម៉ែត្រ ហែលបណ្តាក់របៀប Surface។

មេដាយឈ្នះជាក្រុម

បញ្ជាក់ដែរថា ការប្រកួតហែលទឹកពាក់ជើងទាជ្រើសរើសជើងឯកអាស៊ីអាគ្នេយ៍ លើកទី២ នេះធ្វើឡើងរយៈពេល ៥ថ្ងៃគឺចាប់ពីថ្ងៃទី១៥ ដល់ ១៩ ខែវិច្ឆិកា ឆ្នាំ២០២៥។ ការប្រកួតនេះធ្វើឡើងនៅឯប្រទេសឥណ្ឌូណេស៊ី។ ចំពោះក្រុមកម្ពុជាឈ្នះមេដាយសរុប ៣គ្រឿងហើយក្នុងនោះមានមេដាយ ប្រាក់១ សំរឹទ្ធ ២គ្រឿង៕