ព័ត៌មានជាតិ

រយៈពេល៣ថ្ងៃរកឃើញអាជីវករផ្សារជម្ពូវ័ន៥១នាក់វិជ្ជមានកូវីដ១៩ ក្នុងចំណោម១២៦០នាក់

បានផុស

៥ years មុន

នៅ

ថ្ងៃអង្គារ ២៧ មេសា ២០២១

ដោយ

ត្រឹមរយៈពេល៣ថ្ងៃជាប់គ្នា ក្រុមគ្រូពេទ្យបានចុះយកសំណាកបងប្អូនអាជីវករផ្សារជម្ពូវ័ន រកឃើញអ្នកវិជ្ជមានជំងឺកូដវី១៩ ចំនួន៥១នាក់ក្នុងចំណោមអាជីវករ១២៦០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ សុជាតិ ចៅសង្កាត់រងចោមចៅទី៣ បានឲ្យដឹងថា ការចុះយកសំណាកនេះចាប់ផ្ដើមលើកទី១នៅថ្ងៃទី២៤ ខែមេសា ឆ្នាំ២០២១ ក្រុមគ្រូពេទ្យបានចុះយកសំណាកជាជីវករចំនួន៣៨៥នាក់ ក្នុងនោះរកឃើញវិជ្ជមានចំនួន១៣នាក់ ស្រី០៩នាក់ និងប្រុស០៤នាក់។ លើកទី២ ក្រុមគ្រូពេទ្យបានរកឃើញអ្នកវិជ្ជមានចំនួន២៨នាក់បន្ថែមទៀត ក្នុងចំណោមអាជីវករ៥៧០នាក់។ និងលើកទី៣ ក្រុមគ្រូពេទ្យបានចុះយកសំណាកក្រុមអាជីវករចំនួន៣២៥នាក់ និងរកឃើញវិជ្ជមាន១០នាក់(ស្រី៥នាក់)។

ក្រោយបញ្ចប់ការធ្វើសំណាកជាលទ្ធផល រកឃើញអ្នកវិជ្ជមានទាំងនោះ ត្រូវបានក្រុមគ្រូពេទ្យយកទៅព្យាបាលបន្ត។ ដោយឡែកផ្សារជម្ពូវ័នត្រូវបានអាជ្ញាធរបិទផ្អាកជាបណ្តោះអាសន្នរយះពេល១៤ថ្ងៃ។

អាជ្ញាធរបានអំពាវនាវ ដល់បងប្អូនប្រជាពលរដ្ឋដែលមិនទាន់ទៅយកសំណាក សូមប្រញ៉ាប់ទៅយកជាបន្ទាន់ដើម្បីទប់ស្កាត់ការឆ្លងរីករាលដាលដល់អ្នកដទៃទៀត និងសូមបងប្អូនចូលរួមអនុវត្តវិធានការណ៍ក្រសួងសុខាភិបាលឲ្យបានត្រឹមត្រូវដើម្បីទប់ស្កាត់ការរីករាលដាលជំងឺដ៏កាចសាហាវនេះ៕

អត្ថបទ ៖ សុខា