ជីវិតកម្សាន្ដ

យ៉េ យ៉េ ភ័យបុកពោះខណៈរង់ចាំលទ្ធផលសំណាកជាថ្មីក្រោយព្យាបាលកូវីដជិតកន្លះខែ

បានផុស

៥ years មុន

នៅ

ថ្ងៃអង្គារ ៤ ឧសភា ២០២១

ដោយ

តារាកំប្លែង និងសម្តែងភេទទី៣ យ៉េយ៉េ គិតមកដល់ពេលនេះនាងបានចូលសម្រាកព្យាបាលជំងឺកូវីដ-១៩ជិតកន្លះខែហើយ បន្ទាប់ពីធ្វើតេស្តវិជ្ជមានជំងឺមួយនេះ។

បើតាមការសង្កេតអំឡុងពេលកំពុងព្យាបាលជំងឺកូវីដ-១៩នេះដែរ មើលទៅសុខភាពរបស់ យ៉េយ៉េ ហាក់គ្មានអ្វីប្រែព្រួលនោះទេ ខណ:ពេលនេះនាងបញ្ជាក់ថា កំពុងរង់ចាំលទ្ធផលធ្វើតេស្តសំណាកជាថ្មីទាំងអារម្មណ៍ភ័យផងអរផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តារាភេទទី៣រូបនេះបាននិយាយថា ភ័យណាស់បន្តិចទៀតពេទ្យប្រកាសលទ្ធផលហើយតើត្រូវនៅសម្រាកព្យាបាលបន្ត ឬត្រូវបានជាសះស្បើយទៅផ្ទះ សុំពាក្យជូនពរម្នាក់មួយមកបងប្អូនទាំងអស់គ្នា។ ពាក្យជូនពររបស់បងប្អូនទាំងអស់គ្នាវាជាកម្លាំងចិត្តមួយដ៏ធំសម្រាប់ខ្ញុំនៅពេលនេះ។

យ៉េយ៉េ បន្ថែមថា ពេលនេះនាងគ្មានអ្វីក្រៅពីម្រាមដៃដប់អរគុណដល់បងប្អូនទាំងអស់គ្នាសម្រាប់ការលើកទឹកចិត្ត និងអរគុណដល់លោកគ្រូពេទ្យ ឣ្នកគ្រូពេទ្យសម្រាប់ការលះបង់មួយនេះមកដល់ប្រជាជនខ្មែរ ពេលនេះនាងបានប្រសើរឡើងច្រើនហើយ៕

អត្ថបទ ៖ ចាន់រ៉ា