ព័ត៌មានជាតិ

ផ្ទះរបស់បងប្អូនជនជាតិ៣ខ្នង ត្រូវរងការខូចខាតយ៉ាងដំណំ ខណៈខ្យល់ភ្លៀងកន្ត្រាក់មួយមេធំ

បានផុស

៥ years មុន

នៅ

ថ្ងៃអង្គារ ៨ មិថុនា ២០២១

ដោយ

ផ្ទះប្រជាពលរដ្ឋចំនួន៣ខ្នង ត្រូវបានរងការខូចខាតយ៉ាងដំណំ ខណៈខ្យល់ភ្លៀងកន្ត្រាក់បានបក់បោកមកលើផ្ទះប្រជាពលរដ្ឋ ប៉ុន្តែមិនបណ្តាលឲ្យមនុស្សរងគ្រោះថ្នាក់ដល់អាយុជីវិតឡើយ។ ហេតុការណ៍នេះ បានកើតឡើងនៅវេលាម៉ោង២និង២០នាទីរសៀល កាលពីថ្ងៃទី៧ ខែមិថុនា ឆ្នាំ២០២១ នៅចំណុចបឹងគុកជែក ស្ថិតនៅក្នុងភូមិសាមខា ឃុំជ័យឧត្តម ស្រុកលំផាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពីនគរបាលស្រុកលំផាត់បានឲ្យដឹងថា ផ្ទះប្រជាពលរដ្ឋចំនួន៣ខ្នង បានប៉ើងចេញពីជើងតាង ធ្លាក់ដល់ដីបាក់សសរ និងរបើកដំបូលចេញ ក្នុងនោះផ្ទះជនរងគ្រោះចំនួន៣គ្រួសារ មានមនុស្សចំនួន១៥នាក់ ស្រី៨នាក់ រួមមាន÷

១- ឈ្មោះ សួ ខូ ភេទប្រុស អាយុ៣៣ឆ្នាំ ជនជាតិឡាវ មុខរបរកសិករ និងមានប្រពន្ធឈ្មោះ ថង តែង អាយុ៣៤ឆ្នាំ ជនជាតិឡាវ មុខរបរកម្មករ មានកូនចំនួន៤នាក់ ស្រី៣នាក់។ ផ្ទះធ្វើអំពីឈើប្រក់ស័ង្កសី មានទំហំបណ្តោយ៥ម៉ែត្រគុណ ៦ម៉ែត្រ។

២-ឈ្មោះ ជីន សុខា ភេទប្រុស អាយុ៣០ឆ្នាំ ជនជាតិឡាវ មុខរបរកសិករ និងមានប្រពន្ធឈ្មោះ ខា ម៉ៅ អាយុ២២ឆ្នាំ ជនជាតិទំពួន មុខរបរកសិករ មានកូនចំនួន២នាក់ ស្រី១នាក់ផ្ទះធ្វើអំពីឈើប្រក់ស័ង្កសី មានទំហំបណ្តោយ ៤ម៉ែត្រគុណ ៦ម៉ែត្រ។

៣- ឈ្មោះ ចាយ ឃុន ភេទប្រុស អាយុ៣៤ឆ្នាំ ជនជាតិឡាវ មុខរបរកសិករ និងមានប្រពន្ធឈ្មោះ នុន ហ៊ុន្លី អាយុ៣៩ឆ្នាំ ជនជាតិឡាវ មុខរបរកសិករ មានកូនចំនួន៣នាក់ ស្រី១នាក់ ផ្ទះធ្វើអំពីឈើប្រក់ស័ង្កសី មានទំហំបណ្តោយ ៦ម៉ែត្រគុណ ៧ម៉ែត្រ។

រដូវវស្សាចូលមកដល់ហើយ សូមពុកម៉ែបងប្អូនមានការប្រុងប្រយ័ត្នផង ជាពិសេសមានភ្លៀងធ្លាក់ ហាមជ្រក់ក្រោមដើមឈើ ឈរកណ្ដាលវាល និងកំពុងប្រើប្រាស់ផ្ទាំងសូឡា បណ្តាលឲ្យមានចរន្តអគ្គិសនីស្រូប ជាហេតុធ្វើឲ្យមានគ្រោះធម្មជាតិកើតឡើងជាយថាហេតុៗ ចឹងទេសូមបងប្អូនមានការប្រុងប្រយ័ត្នទាំងអស់គ្នា៕

អត្ថបទ៖ វុទ្ធឦសាន

សូមចុចអាន៖ ខេត្តកោះកុងអាចរកចំណូលបានដល់ទៅ៦លានដុល្លារក្នុងមួយឆ្នាំ ពីការនាំចេញខ្យងចំពុះទា ទៅកាន់ប្រទេសថៃ និងវៀតណាម

Related Topics:គ្រោះធម្មជាតិ ខេត្តរតនគិរី

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា