ព័ត៌មានអន្ដរជាតិ
វីរុសបំប្លែងខ្លួនដ៏កាចសាហាវ Delta វាយប្រហារក្រុងបាងកក៧០%
វីរុសបំប្លែងខ្លួនដែលរកឃើញដំបូងនៅប្រទេសឥណ្ឌា Delta បានវាយប្រហារទីក្រុងបាងកក ប្រទេសថៃខ្លាំងដល់៧០%។ នេះបើតាមការសិក្សាថ្មីមួយរបស់មជ្ឈមណ្ឌលឧត្តមភាពវីរុសសាស្ត្រនៅសាកលវិទ្យាល័យចូឡាឡាំងកន។
ការរកឃើញត្រូវបានធ្វើឡើងដោយលោកវេជ្ជបណ្ឌិត Yong Poovorawan នាយកមជ្ឈមណ្ឌលដែលបានបង្ហាញនៅលើផេក Facebook។ លោកនិយាយថា ការផ្ទុះកូវីដ-១៩លើកដំបូងបានកើតឡើងកាលពីដើមឆ្នាំមុនដោយវីរុសកូវីដអ៊ូហានដែលបានរាលដាលយ៉ាងឆាប់រហ័សទូទាំងពិភពលោក។
វីរុសបានផ្ទះសាថ្មីជាលើកទី២កាលពីចុងឆ្នាំមុនដែលត្រូវបានរកឃើញដំបូងក្នុងផ្សារគ្រឿងសមុទ្រមួយនៅ Samut Sakhon។ វីរុសនោះត្រូវបានគេគិតបានមកពីប្រទេសមីយ៉ាន់ម៉ា។
លោកវេជ្ជបណ្ឌិត Yong មានប្រសាសន៍ថា សម្រាប់ករណីផ្ទុះលើកទី៣បច្ចុប្បន្នគឺវីរុសបំប្លែងខ្លួន Alpha ដែលត្រូវបានរកឃើញដំបូងនៅចក្រភពអង់គ្លេសដែលអាចឆ្លងលឿនជាងវីរុសអ៊ូហាន១.៧ដង។
ការឆ្លងជាចង្កោមលើកដំបូងកំឡុងពេលការផ្ទុះឆ្លងលើកទី៣បានកើតមាននៅខណ្ឌកម្សាន្ត Thong Lor។ វីរុស Alpha ត្រូវបានជឿជាឆ្លងមកពីប្រទេសកម្ពុជា។
ការផ្ទុះឆ្លងបច្ចុប្បន្ននេះគឺធ្ងន់ធ្ងរខ្លាំងដោយវីរុសបំប្លែងឥណ្ឌា Delta ដែលមានការប្រែប្រួលភេទជាប្រចាំ។ វីរុសនេះឆ្លងខ្លាំងជាងវីរុស Alpha ដល់ទី១.៤ដង។
មជ្ឈមណ្ឌលបានធ្វើការស្រាវជ្រាវករណីឆ្លងកូវីដ-១៩ជាង៧០០នាក់នៅទីក្រុងបាងកកដែលបានបញ្ជាក់ពីការចម្លងយ៉ាងឆាប់រហ័ស។ ការសិក្សារកឃើញថា ៧០%នៃអ្នកឆ្លងគឺរកឃើញវីរុសបំប្លែងខ្លួន Delta ហើយពួកគាត់តែងតែអត់ដឹងថា ខ្លួនបានឆ្លងវីរុសនេះនៅកន្លែងណា។ ការសិក្សាបានព្យាករថា Delta នឹងកាន់តែហក់ខ្ពស់ឡើង ជាពិសេសនៅទីក្រុង។
លោក Supakit Sirilak អគ្គនាយកនាយកដ្ឋានវិទ្យាសាស្ត្រឱសថ (DoMS) បាននិយាយថា ការឆ្លងវីរុស Delta បានកើនឡើងហើយ។
យោងតាមទិន្នន័យថ្មីរបស់នាយកដ្ឋានដែលបានចេញផ្សាយនៅថ្ងៃទី២៨ មិថុនា វីរុសបំប្លែងខ្លួន Alpha នៅតែមានឥទ្ធិពលខ្លាំងដែលមានដល់ទៅ៨០% បន្ទាប់មកវីរុស Delta មាន១៦.៥% និងវីរុសអាហ្វ្រិកខាងត្បូង Beta មាន៣.២%។
ចាប់តាំងពីកូវីដផ្ទុះលើកដំបូងកាលពីដើមឆ្នាំមុនមក ថៃមានករណីឆ្លងសរុប ២៧៧១៥១នាក់និងស្លាប់ ២១៨២នាក់៕
ប្រែសម្រួល៖ វីរបុត្រ
ប្រភព៖ bangkokpost
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៣ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៦ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេដ្ឋកិច្ច១ សប្តាហ៍ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoលោក ត្រាំ ទ្រាំលែងបាន ជះសម្តីធ្ងន់ៗ ដាក់លោក ណេតាន់យ៉ាហ៊ូ ដែលបំផ្លាញផ្លូវទៅរកសន្តិភាព
-
ព័ត៌មានអន្ដរជាតិ១ សប្តាហ៍ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត