ស្លាប់កើនដល់ ៤៧នាក់ ក្នុងហេតុការណ៍ ធ្លាក់យន្តហោះយោធានៅ ហ្វីលីពីន

យន្ដហោះយោធាមួយគ្រឿងបានធ្លាក់នៅភាគខាងត្បូងប្រទេសហ្វីលីពីន ដោយសម្លាប់មនុស្សចំនួន៤៧នាក់ ខណៈរាប់សិបនាក់ទៀតត្រូវបានទាញចេញទាំងនៅរស់ ពីបំណែកយន្តហោះដែលឆាបឆេះ។

យន្តហោះ Lockheed C130 Hercules នេះ កំពុងដឹកមនុស្សជាង ៩០ នាក់ដែលភាគច្រើនជាកងទ័ព នៅពេលវាចុះខុសផ្លូវ លើកោះ Jolo។

ក្រសួងការពារជាតិបាននិយាយថា អ្នកស្លាប់ភាគច្រើនជាបុគ្គលិកយោធា ប៉ុន្តែជនស៊ីវិល ៣ នាក់នៅលើដី ក៏បាត់បង់ជីវិតផងដែរ។

យន្ដហោះបានឆាបឆេះយ៉ាងសន្ធោសន្ធៅនៅពេលធ្លាក់ ហើយបាញ់ផ្សែងខ្មៅខ្មួលខ្មាញ់ឡើងទៅលើមេឃ។

យោធាបាននិយាយថា មនុស្សរាប់សិបនាក់បានរងរបួសហើយប្រាំនាក់ទៀតកំពុងបាត់ខ្លួន។ មន្ទីរពេទ្យយោធាក្បែរនោះកំពុងព្យាបាលអ្នកនៅរស់៕

ប្រែសម្រួល៖ Vann Vann

ប្រភព៖ CNA

ចុចអាន៖ Update៖ រកឃើញអ្នកស្លាប់ ១៧នាក់ ក្នុងហេតុការណ៍ធ្លាក់យន្តហោះនៅ ហ្វីលីពីន