ព័ត៌មានជាតិ

ទឹកស្ទឹងសង្កែបានហក់ឡើងជាង១២ម៉ែត្រ ខណៈតំបន់ប៉ែកខាងលើមានភ្លៀងធ្លាក់បន្តបន្ទាប់

បានផុស

៥ years មុន

នៅ

ថ្ងៃសៅរ៍ ៣១ កក្កដា ២០២១

ដោយ

គិតត្រឹមម៉ោង៩:១៥នាទីព្រឹកថ្ងៃទី៣១ ខែកក្កដានេះទឹកស្ទឹងសង្កែខេត្តបាត់ដំបងបានហក់ឡើងកម្ពស់ដល់ជាង ១២ម៉ែត្រ ខណៈកាលពីថ្ងៃទី៣០ ខែកក្កដាម្សិលមិញបានឡើងកម្ពស់ទឹក៨,៧០ម៉ែត្រដែលការជន់ឡើងយ៉ាងលឿនបែបនេះអាជ្ញាធរក៏បានណែនាំដល់ពលរដ្ឋឲ្យមានការយកចិត្តទុកដាក់ខ្ពស់ជាមួយកូនចៅតូចៗផងដែរកុំឲ្យចុះលេងទឹកក្រែងបង្កជាគ្រោះថ្នាក់ពេលដែលកម្លាំងទឹកកំពុងហូរខ្លាំងបែបនេះ។ កម្ពស់ទឹកប្រកាសអាសន្ន ១៣ម៉ែត្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជន់ឡើងទឹកស្ទឹងសង្កែជាបន្តបន្ទាប់នេះ តាមការគូសបញ្ជាក់ពីលោកឡុង ផលគុណប្រធានមន្ទីរធនធានទឹក និងឧត្តនិយមខេត្តបាត់ដំបងបានប្រាប់ឲ្យដឹងថាស្ថានភាពជំនន់ទឹកស្ទឹងសង្កែអាចហក់ជន់ឡើងបន្ថែមទៀតដោយសារតែនៅប៉ែកខាងលើនៃខេត្តបាត់ដំបងកំពុងមានភ្លៀងធ្លាក់ជាបន្តបន្ទាប់ទើបធ្វើឲ្យខាងជំនាញបើកទ្វារទំនប់ទឹកអាងពហុបំណងសេកសកនៅក្នុងស្រុករតនមណ្ឌលខេត្តបាត់ដំបងដើម្បីទម្លាក់ទឹកឲ្យចុះមកផ្នែកខាងក្រោមក្នុងស្ទឹងសង្កែទើបធ្វើឲ្យកម្ពស់ទឹកស្ទឹងសង្កែមានការជន់ឡើងយ៉ាងឆាប់បើពុំនោះទឹកក្នុងអាងនឹងបង្កជាគ្រោះដល់ប្រជាកសិករក្នុងតំបន់និងលេចផលដំណាំផ្សេងៗផង។

លោកប្រធានមន្ទីរបន្តថាទឹកស្ទឹងសង្កែអាចបន្តជន់ឡើងថែមទៀតប្រសិនបើស្ថានភាពទឹកភ្លៀងនៅផ្នែកខាងលើនៅតែបន្តធ្លាក់ថែមទៀតដែលបង្កឲ្យទឹកក្នុងអាងមានកម្រិតខ្ពស់ហើយនៅបន្តបើកទម្លាក់ចូលស្ទឹកសង្កែដែលធ្វើឲ្យស្ទឹងសង្កែកាន់តែមានកម្ពស់ទឹកខ្ពស់រហូតអាចឈានដល់ប្រកាសអាសន្នក៏ថា បានបើសិនជាផ្នែកខាងលើនៅតែបន្តធ្លាក់ភ្លៀង។

កត្តាខាងលើបែបនេះហើយដែលជាមូលហេតុធ្វើឲ្យស្ទឹងសង្កែជន់ឡើងហើយក្នុងឆ្នាំ២០២១នេះគឺទឹកស្ទឹងសង្កែខេត្តបាត់ដំបងមានការជន់ឡើងតាមរយះជំនន់ទឹកភ្លៀងជាលើកទី០២ហើយនៅក្នុងរដូវវស្សា៕

អត្ថបទ៖សៅ សារិទ្ធ

Related Topics:ទឹកជំនន់Featured

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា