ព័ត៌មានជាតិ

អាជ្ញាធរស្រុកអន្លង់វែង ផាកពិន័យពលរដ្ឋ ០៦ នាក់ ដែលមិនគោរពតាមសារាចររបស់ក្រសួងសុខាភិបាល

បានផុស

៥ years មុន

នៅ

ថ្ងៃសៅរ៍ ២៨ សីហា ២០២១

ដោយ

រដ្ឋបាលស្រុកអន្លង់វែង ដឹកនាំដោយលោក ងួន លីន នាយករដ្ឋបាលសាលាស្រុកអន្លង់វែង រួមជាមួយកម្លាំងសមត្ថកិច្ច អាជ្ញាធរភូមិឃុំ និងប្រជាការពារ នៅវេលាម៉ោង១៥និង ៣០ នាទី ថ្ងៃទី ២៧ ខែ សីហា ឆ្នាំ ២០២១ នេះ ចុះល្បាតត្រួតពិនិត្យផ្សព្វផ្សាយបន្ថែម ដល់ប្រជាពលរដ្ឋនិងអាជីវករដែលលក់ដូរក្នុងផ្សារ និងតាមផងផ្លូវទីសាធារណៈ ឲ្យអនុវត្តតាមវិធានការរបស់ក្រសួងសុខាភិបាល ក៏ដូចជាប្រជាពលរដ្ឋ អ្នកធ្វើដំណើរតាមទូទៅ ដើម្បីឲ្យពួកគាត់ប្រកាន់ភ្ជាប់នូវការពាក់ម៉ាស់ រក្សាគម្លាត គ្មានការជួបជុំ លាងដៃនឹងអាកុល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលស្រុកចុះត្រួតពិនិត្យនៅតាមបរិវេណផ្សារដូចជា៖ ផ្សារថ្មីអន្លង់វែង ផ្សារអូរជីក និងផ្សាររង្វង់មូលស្រុកអន្លង់វែង ដើម្បីផាកពិន័យអន្តរកាលទៅលើប្រជាពលរដ្ឋណាដែលល្មើសមិនគោរពតាមការណែនាំរបស់អាជ្ញាធរ និងវិធានការរបស់ក្រសួងសុខាភិបាល ជាពិសេសអនុវត្តឲ្យបាននូវវិធានការ ” ៣កុំនិង៣ការពារ” ដែលជាលទ្ធផល ផាកពិន័យលើប្រជាជាពលរដ្ឋដែលមិនបានពាក់ម៉ាស់ចំនួន១នាក់ពិន័យ ២សែនរៀល ដែលមាន

១. ឈ្មោះ ផន រតនា ភេទប្រុសអាយុ២៣ឆ្នាំ រស់នៅភូមិស្លែងពណ៏ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។

២. ឈ្មោះ សាន ណារ៉ុង ភេទប្រុសអាយុ២៥ឆ្នាំ រស់នៅភូមិទួលស្វាយ ឃុំត្រពាំងតាវ ស្រុកអន្លង់វែង។

៣. ឈ្មោះ លួង វល័ក្ខ ភេទប្រុសអាយុ២៣ឆ្នាំ រស់នៅភូមិទួលស្វាយ ឃុំត្រពាំងតាវ ស្រុកអន្លង់វែង។

៤. ឈ្មោះ ជា ចិត្ត ភេទប្រុសអាយុ ២៧ឆ្នាំ រស់នៅភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជ័យ។

៥. ឈ្មោះ ជុំ ចិត្ត ភេទប្រុសអាយុ២៣ឆ្នាំ រស់នៅភូមិទួលប្រាសាទ ឃុំត្រពាំងតាវ ស្រុកអន្លង់វែង។

៦. ឈ្មោះ អង់ ភ័ណ្ឌ ភេទប្រុសអាយុ២១ឆ្នាំ រស់នៅភូមិ កណ្តាលក្រោម ឃុំអន្លង់វែង ស្រុកអន្លង់វែង ខេត្តឧត្តរមានជ័យ។

ហើយអាជ្ញាធរក៏ទុករយះពេលចំនួន ៣០ថ្ងៃក្នុងការយកប្រាក់ទៅបង់នៅច្រកចេញចូលតែមួយសាលាស្រុកអន្លង់វែង។

រដ្ឋបាលស្រុកអន្លង់វែង នឹងបន្តធ្វើការផាកពិន័យ ជាបន្តទៀតចំពោះប្រជាពលរដ្ឋណាឬបុគ្គលណា ដែលបំពានមិនគោរពទៅតាមការណែនាំរបស់ក្រសួងសុខាភិបាល និងមិនអនុវត្តនូវវិធានការ ៣ការពារ និង ៣កុំ ដែលជាការកាត់ផ្ដាច់ ទប់ស្កាត់ មិនឲ្យរីករាលដាលនៃជំងឺកូវីដ១៩ ចូលទៅមូលដ្ឋាន ក៏ដូចជាសហគមន៍៕

អត្ថបទ៖ចាន់ ធី

Related Topics: