ព័ត៌មានអន្ដរជាតិ

អភិបាលក្រុងម៉ានីលប្រកាសឈរឈ្មោះប្រធានាធិបតីប្រជែងនឹង Pacquiao

បានផុស

៥ years មុន

នៅ

ថ្ងៃពុធ ២២ កញ្ញា ២០២១

ដោយ

អភិបាលក្រុងម៉ានីល លោក Francisco Domagoso នៅថ្ងៃពុធ ទី២២ ខែកញ្ញានេះបានប្រកាសពីការឈរឈ្មោះក្នុងការចូលរួមបោះឆ្នោតជ្រើសរើសប្រធានាធិបតីហ្វីលីពីននៅឆ្នាំ២០២២។

លោក Francisco Domagoso អាយុ៤៧ឆ្នាំត្រូវបានគេស្គាល់យ៉ាងច្បាស់តាមរយៈឈ្មោះហៅ Isko Moreno ជាអ្នកនយោបាយទី៣ដែលបានប្រកាសចូលរួមប្រកួតប្រជែងតំណែងប្រធានាធិបតី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Domagoso ដែលបានធំដឹងនៅក្នុងតំបន់អនាធិបតេយ្យបានជាប់ជាប់ឆ្នោតក្លាយជាអភិបាលក្រុងម៉ានីលកាលពីឆ្នាំ២០១៩ បន្ទាប់ពីបានយកឈ្នះអតីតប្រធានាធិបតី Joseph Estrada។

កាលពីថ្ងៃទី២០ ខែកញ្ញាកន្លងទៅនេះ កំពូលអ្នកប្រដាល់សកលអាស៊ី Manny Pacquiao អាយុ៤២ឆ្នាំបានប្រកាសពីការប្រកួតប្រជែងក្នុងការបោះឆ្នោតជ្រើសរើសប្រធានាធិបតីហ្វីលីពីននៅឆ្នាំ២០២២ ក្រោយទទួលយកការដាក់ឈ្មោះឲ្យប្រកួតប្រជែងពីគណបក្ស PDP-Laban របស់លោក។

ជាមួយគ្នានេះលោក Panfilo Lacson អាយុ៧៣ឆ្នាំក៏បានប្រកាសពីការឈរឈ្មោះប្រកួតប្រជែងតំណែងប្រធានាធិបតីដែរ។ លោកជាអ្នកនយោបាយជើងចាស់ដែលធ្លាប់បម្រើការជាច្រើនដូចជាសមាជិកព្រឹទ្ធសភា និងជាអគ្គស្នងការប៉ូលិសជាតិហ្វីលីពីនជាដើម។

ចំណែកតំណែងអនុប្រធានាធិបតីរហូតដល់ពេលនេះមានបុគ្គល២រូបហើយដែលបានប្រកាសឈរឈ្មោះគឺលោកប្រធានាធិបតី Rodrigo Duterte និងលោក Tito Sotto ប្រធានព្រឹទ្ធសភា៕

អានបន្ថែម៖ ទីបំផុតស្តេចប្រដាល់អាស៊ី Pacquiao ប្រកាសឈរឈ្មោះប្រធានាធិបតី

ប្រែសម្រួល៖ វីរបុត្រ
ប្រភព៖ Reuters

Related Topics:ប្រទេសហ្វីលីពីន

ព័ត៌មានអន្ដរជាតិ២០ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា