ព័ត៌មានជាតិ
សត្វស្លាបជាច្រើនប្រភេទ កំពុងរស់នៅ ក្នុងតំបន់វាលរហាលកែសអាវៀន ស្រុកព្រះនេត្រព្រះ
វាលរហាលកែសអាវៀន គឺជាតំបន់អភិរក្សពូជត្រី និង សត្វស្លាបជាច្រើនប្រភេទមករស់នៅទីនោះមានក្តីសុខសាន្ត តំបន់ អភិរក្ស ពូជត្រីនិង ស្លាបជាប្រភេទនៅរហាលកែសអាវៀននេះ ស្ថិតក្នុងភូមិសាស្ត្រ ឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ខាងត្បូង វិទ្យាល័យ ហ៊ុន សែន ឈ្នួរមានជ័យ ប្រហែល៧ គីឡូម៉ែត្រ ជាប់នឹងព្រំប្រទល់ចំនួនស្រុកក្រុង៣ គឺស្រុកព្រះនេត្រព្រះ ស្រុកមង្គលបូរី និងក្រុងសិរីសោភ័ណ។
លោក ខុង ប៊ុន ជំទប់ទី១ ឃុំឈ្នួរមានជ័យ បានព្រឹកអ្នកយកព័ត៌មានឲ្យដឹងថា វាលរហាលកែសអាវៀននេះ កាលដើមឡើយជាទំនប់បិទទឹកនៅសម័យ៣ឆ្នាំ ៨ខែនិង២០ថ្ងៃ ដែលសម័យពួកប៉ុលពត បានកែនប្រជាពលរដ្ឋមកធ្វើទំនប់ ដើម្បីធ្វើអាងស្តុកទឹក កុំឲ្យទឹកហូរចូលស្ទឹងមង្គលបូរី និងស្ទឹងសិរីសោភ័ណ ដើម្បីទុកទឹកប្រើប្រាស់ នៅក្នុងអាង ឃុំឈ្នួរ និង ឃុំព្រះនេត្រព្រះ ស្ថិត ក្នុងស្រុកព្រះនេត្រព្រះ និងសង្កាត់កោះពងសត្វ ក្រុងសិរីសោភ័ណ។
លោក ខុង ប៊ុន បានបញ្ជាក់ឲ្យដឹងទៀតថា តំបន់វាលរហាលអាវៀននេះ មានទំហំដីប្រមាណជា ២៨ ហិចតានារដូវប្រាំង បើចង់មកទស្សនា ហ្វូងសត្វស្លាបទាំងនេះ គឺអាចធ្វើដំណើរ ដោយឡាន ឬម៉ូតូបាន ប៉ុន្តែបើរដូវវស្សាយើងអាចជិះទូកប្រហែលជា៤គីឡូម៉ែត្រ ទើបដល់ទីទួលទំនប់ ដែល លើកពីសម័យប៉ុលពតនេះ ហើយទៅថ្ងៃអនាគត ឬក្នុងរយៈពេលដ៏ខ្លីខាងមុខនេះ ទឹកស្រកអស់រដ្ឋបាលឃុំនឹងបង្កើតតំបន់នេះ ឲ្យជាតំបន់ទេសចរណ៍ធម្មជាតិមួយកន្លែង ដោយរៀបចំកន្លែង អង្គុយលេង កន្លែងទស្សនាសត្វស្លាបជាដើម។
លោកបានបញ្ជាក់ឲ្យដឹងទៀតថា លោកចង់ស្វែងរកអង្គការជាដៃគូ ដើម្បីអភិវឌ្ឍតំបន់នេះ ដើម្បី រកផលប្រយោជន៍ឲ្យប្រជាពលរដ្ឋ ក្នុងសហគមន៍ចំពោះក្រុមហ៊ុនឯកជន មានគេទំនាក់ទំនង អភិវឌ្ឍតំបន់នេះដែរ តែអាជ្ញាធរឃុំមិនយល់ព្រម ព្រោះវាបាត់បង់ផលប្រយោជន៍ប្រជាពលរដ្ឋ ក្នុងសហគមន៍។ ក្នុងនោះលោកបានអំពាវនាវ ដល់ប្រជាពលរដ្ឋទាំងអស់ ជួយថែរក្សាពូជត្រី និង សត្វស្លាប ដែលកំពុងតែរស់នៅដ៏សុខសាន្ត កកើតកូនចៅយ៉ាងច្រើនសន្ធឹកសន្ធាប់នេះ កុំឲ្យ វិនាសទៅវិញ ដូចជាមានការលួចបាញ់ លួចយកពង នេះជាសម្បត្តិធម្មជាតិរបស់យើង ទាំងអស់គ្នាទេ បើយើងបាញ់សម្លាប់សត្វទាំងនេះ ធ្វើជាអាហារវាមានប្រយោជន៍បានតែមួយ ពេលប៉ុណ្ណោះ តែបើយើងទុកសត្វទាំងនេះរស់ វាមានប្រយោជន៍ដល់យើងតកូនតចៅយើង ជាង នេះទៀតនៅរដូវប្រាំង កើតឲ្យមានការដុតភ្លើងវាល ដែលនាំឲ្យឆេះរាលដាលមកដល់ព្រៃតំបន់ អភិរក្សនេះ ដែលនាំឲ្យសត្វស្លាបទាំងនេះ មិនមានទីកន្លែងនៅ៕
អត្ថបទ៖ វ៉ាន់ ណាង
សូមចុចអាន៖ ប្រជាពលរដ្ឋដែលរស់នៅក្បែរភូមិបឹងឈូក សុខចិត្តដាក់ខ្លួនក្នុងផ្ទះ ដើម្បីរក្សាសុខភាព
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ