ព័ត៌មានជាតិ
ដាក់កាមេរ៉ាសុវត្ថិភាពក្នុងព្រៃសហគមន៍ព្រៃឈើភ្នំប្រជុំមិត្ត រកឃើញសត្វចតុប្បាទ និងសត្វស្លាបជាច្រើនប្រភេទ
សហគមន៍ភ្នំប្រជុំមិត្ត ដោយមានការគាំទ្រពីអង្គការ RECOFTC លើការរៀបចំផែនការគ្រប់គ្រងព្រៃសហគមន៍ និងអភិរក្សសត្វព្រៃ បានទទួលមូលនិធិក្នុងរូបភាពគម្រោងឥណទានសហគមន៍ព្រៃឈើ ដាក់កាមេរ៉ាកំណត់អត្តសញ្ញាណពពួកសត្វចតុប្បាទ និងសត្វស្លាបបានជាច្រើនប្រភេទនៅក្នុងតំបន់នេះ។
លោក ហ៊ុន សំអឿន នាយផ្នែករដ្ឋបាលព្រៃឈើថាឡាបរិវ៉ាត់បានឲ្យដឹងថា សហគមន៍ភ្នំប្រជុំមិត្ត ស្ថិតនៅភូមិសំអាង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ក្នុងការរក្សាការពារព្រៃឈើ និងអភិរក្សសត្វព្រៃក្នុងសហគមន៍ ដែលនៅសេសសល់ អង្គការRECOFTC បានដាក់កាមេរ៉ាសុវត្ថិភាពបានកំណត់អត្តសញ្ញាណសត្វចតុប្បាទ និងសត្វស្លាបជាច្រើនប្រភេទនៅក្នុងតំបន់នេះ។
លោកនាយផ្នែកបានបញ្ជាក់ថា ដើម្បីបញ្ជាក់ពីអត្តសញ្ញាណសត្វដែលនៅសេសសល់រស់នៅក្នុងតំបន់នេះ ក្រោយពីដាក់កាមេរ៉ាសុវត្ថិភាព បានរកឃើញ និងបង្ហាញពីសកម្មភាពពពួកសត្វទាំងនេះកំពុងរស់នៅក្នុងសហគមន៍ភ្នំប្រជុំមិត្តដូចមានក្នុងរូបភាពទាំងនេះ។
លោកបន្តថា តាមរយៈកាមេរ៉ាបានពិនិត្យឃើញពពួកសត្វដូចជា សត្វទន្សោង ជ្រូកព្រៃ កាំប្រមា ឆ្មាព្រៃ ក្ងោក ស្វា ទន្សាយស្លឹក កំប្រុកក្រហម ខ្លែងស្រាក ទាព្រៃ ត្រកួត កេងកង កដបចំពុះធំ ទីវព្រៃ ពពូលធំ ស្ទាំង មៀម ទីទុយ អក និងក្រសារជាដើម។ល។
លោកបន្តទៀតថា អង្គការRECOFTC ដាក់កាមេរ៉ាសុវត្ថិភាពនេះ ក្នុងគោលបំណងចង់ដឹងពីសត្វព្រៃដែលនៅសេសសល់ក្នុងសហគមន៍ភ្នំប្រជុំមិត្តថាមានសត្វអ្វីខ្លះ កំពុងមានជីវិតរស់នៅ ហើយងាយស្រួលធ្វើការអភិរក្សផងដែរ។
លោក អ៊ន លន ប្រធានសហគមន៍ប្រជុំមិត្តបញ្ជាក់ថា ការគ្រប់គ្រងព្រៃឈើ និងអភិរក្សសត្វព្រៃតំបន់ខាងលើនេះ ដោយសារមានការគាំទ្រពីអង្គការRECOFTC និងថវិកាមួយចំនួន ដើម្បីបង្កើនការអភិរក្ស ល្បាតឲ្យបានកាន់តែញឹកញាប់ ដើម្បីការពារព្រៃឈើ និងសត្វព្រៃគ្រប់ប្រភេទ ដែលកំពុងរស់នៅ និងទប់ស្កាត់ពីអ្នកប្រមាញ់ផងដែរ។
លោកថា ប្រជាពលរដ្ឋរស់នៅក្នុងសហគមន៍មួយចំនួននៅតំបន់នេះ បានផ្លាស់ប្ដូរទម្លាប់ពីការពឹងផ្អែកលើធនធានធម្មជាតិ ងាកមកដាំដុះដំណាំកសិកម្ម និងលក់ដូរចំណីអាហារជំនួសវិញ។
សូមបញ្ជាក់ថា ដីព្រៃសហគមន៍ភ្នំប្រជុំមិត្តមានផ្ទៃដី ៣២៥៣ ហិកតា ដែលមានពពួកសត្វចតុប្បាទ និងសត្វស្លាបជាច្រើនប្រភេទ កំពុងរស់នៅតំបន់នេះ៕
អត្ថបទ ៖ ងិនលីម
-
ព័ត៌មានអន្ដរជាតិ១៧ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ