ព័ត៌មានជាតិ
មន្ត្រី ក.ប.ប. មន្ត្រីមន្ទីរពាណិជ្ជកម្មខេត្ត ចុះដកហូតអ្នកលក់ទំនិញ ខូចគុណភាព ហួសកាលបរិច្ឆេទបានចំនួនសរុបចំនួន ១៤,៣៦៣ គីឡូក្រាម
បន្ទាយមានជ័យ ៖ នៅព្រឹក ថ្ងៃទី ២២ ខែតុលា ឆ្នាំ ២០២១នេះ មន្ត្រី ក.ប.ប. បានសហការជាមួយ មន្ត្រីមន្ទីរពាណិជ្ជកម្មខេត្ត ចុះដកហូតអ្នកលក់ទំនិញ ខូចគុណភាព ហួសកាលបរិច្ឆេទ និងច្បាប់ហាមឃាត់ បានចំនួនសរុបចំនួន ១៤,៣៦៣ គីឡូក្រាម នៅតាមផ្ទះតៀម នៅតាមផ្សារ នៅភូមិយាងថ្មី ឃុំកូប ស្រុកអូរជ្រៅ និងនៅភូមិអូរជ្រៅ សង្កាត់និមិត្ត ក្រុងប៉ោយប៉ែត ដែលនៅជាប់ ព្រំប្រទល់គ្នា។
មន្ត្រី ក.ប.ប. មន្ត្រីមន្ទីរពាណិជ្ជកម្មខេត្ត បានប្រាប់អ្នកយកព័ត៌មានឲ្យដឹងថា ក្នុងនោះមន្ត្រីទាំង២បានណែនាំ ហើយព្រមានអាជីវករអ្នកលក់ដូរទាំងឡាយ ត្រូវតែប្រយ័ត្នខ្ពស់ ចំពោះអាជីវកម្មរបស់ខ្លួន ហើយអ្នកលក់ដូរ ទំនិញខូចគុណភាព ហួសកាលបរិច្ឆេទ លក់ឱ្យទៅអ្នកប្រើប្រាស់ នឹងត្រូវប្រឈមមុខនឹងច្បាប់។
បើបងប្អូនអាជីវករ នៅបន្តលក់ទំនិញ ខូចគុណភាព និង ហួសកាលបរិច្ឆេទ ឬទំនិញហាមឃាត់ ទៅឲ្យអ្នកប្រើប្រាស់ មិនត្រឹមតែ ខូចម៉ូយ ឬ អតិថិជន បាត់បង់ជំនឿ និងលែងទិញប៉ុណ្ណោះទេ ប៉ុន្តែបន្ថែមលើនោះ ត្រូវសមត្ថកិច្ចរឹបអូស យកទៅ កម្ទេចចោល ផាកពិន័យអន្តរកាល និងប្រឈមមុខនឹងផ្លូវច្បាប់ ថែមទៀត។
មន្ត្រី ក.ប.ប. មន្ត្រីមន្ទីរពាណិជ្ជកម្មខេត្ត បានបញ្ជាក់ឲ្យដឹងបន្តទៀតថានៅព្រឹកថ្ងៃទី ២២នេះបានចុះដកហូត ផលិតផលខូចគុណភាព និងហួសកាលបរិច្ឆេទប្រើប្រាស់ នៅតាមផ្ទះតៀម និងនៅតាមផ្សាររួមមាន-ទឹកក្រូច Fanta ចំនួន ៥ដប ស្មើនឹង ៦,២៥ លីត្រ -ប័រ Blue Band ចំនួន ១៦ កំប៉ុង ស្មេីនឹង ២,៤ គីឡូក្រាម -ទឹកស៊ីអ៊ីវ ផ្កាឈូក ចំនួន ៦ ដប ស្មើនឹង ៣ លីត្រ -ម្សៅស៊ុប Knore ចំនួន ១០៩ កញ្ចប់ ស្មើនឹង ០,៤៣៦ គីឡូក្រាម -ភេសជ្ជៈ Samurai ចំនួន ១ដប ស្មើនឹង ០,៤៨ លីត្រ -ទឹកក្រូច Fanta ដប តូច ចំនួន ០១ ស្មើនឹង ០.៣៥លីត្រ -នំប័រ Jack Jill ចំនួន ៩៤ កញ្ចប់ ស្មេីនឹង ១,៤៤៧ គីឡូក្រាម។ សរុបចំនួន ១៤,៣៦៣ គីឡូក្រាម។
ក្នុងសកម្មភាពចុះដកហូតទំនិញខូចគុណភាព និង ហួសកាលបរិច្ឆេទ ឬទំនិញហាមឃាត់នេះដែរ មន្ត្រីជំនាញ ក៏បានចុះពន្យល់ណែនាំដល់អាជីវករ ឱ្យបញ្ឈប់ការលក់ ទំនិញខូចគុណភាព និងហួសកាលបរិច្ឆេទប្រើប្រាស់ ទៅដល់អ្នកប្រើប្រាស់ ជៀសវាង ការប្រឈមមុខនឹងច្បាប់ផងដែរ៕
ដោយ ៖ វ៉ាន់ ណាង
-
ព័ត៌មានអន្ដរជាតិ១៨ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ