ព័ត៌មានជាតិ

ក្រសួងសុខាភិបាល ឈប់តម្រូវឱ្យក្រុមគ្រូពេទ្យ និងក្រុមផ្ដល់សេវាជួរមុខធ្វើចត្តាឡីស័កទៀតហើយ

បានផុស

៥ years មុន

នៅ

ថ្ងៃចន្ទ ២៥ តុលា ២០២១

ដោយ

លោកសាស្ត្រាចារ្យ ម៉ម ប៊ុនហេង រដ្ឋមន្ត្រី ក្រសួងសុខាភិបាល និងជាប្រធានគណៈកម្មការអន្តរក្រសួងដើម្បីប្រយុទ្ធនឹងជំងឺកូវីដ១៩បានឱ្យដឹងថា ចាប់ពីពេលនេះទៅ ក្រសួងលែងតម្រូវឱ្យក្រុមគ្រូពេទ្យ និងក្រុមផ្ដល់សេវាជួរមុខនៅតាមមន្ទីរពេទ្យ និងមណ្ឌលព្យាបាលជំងឺកូវីដ-១៩ធ្វើចត្តាឡីស័កដូចមុនទៀតហើយលើកលែងតែគ្រូពេទ្យនោះ មានការប៉ះពាល់ដោយផ្ទាល់ជាមួយអ្នកជំងឺកូវីដ និងមិនបានអនុវត្តត្រឹមត្រូវតាមវិធានការសុខាភិបាល ត្រូវធ្វើចត្តាឡីស័ក៧ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមរយៈសេចក្តីជូនដំណឹងចុះថ្ងៃទី២៥ ខែតុលានេះ លោករដ្ឋមន្ត្រីបានបន្តថា យោងតាមចំណារឯកភាពដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចុះថ្ងៃទី២៣ ខែតុលា ឆ្នាំ២០២១ លើសំណើសុំគោលការណ៍របស់គណៈប្រចាំការនៃគណៈកម្មការជាតិប្រយុទ្ធនឹងជំងឺកូដ-១៩ កាលពីថ្ងៃទី២២ ខែតុលា ឆ្នាំ២០២១ ដោយផ្អែកលើមូលដ្ឋានសំខាន់ចំនួន២ គឺ៖ (១) ការធ្វើចត្តាឡីស័ករបស់អ្នក ជំងឺកូវីដ-១៩ ដែលបានជាសះស្បើយត្រូវបានលុបចោល និង (២) អត្រាក្រុមគ្រូពេទ្យ និងក្រុមផ្តល់សេវាដូរមុខដែលបានចាក់វ៉ាក់សាំងកូវីដ-១៩ ទាំងដូសមូលដ្ឋាន និងដូសជំរុញ មានកម្រិតខ្ពស់ដែលនាំឱ្យមានភាពស៊ាំ និងប្រសិទ្ធភាព ក្នុងការកាត់បន្ថយកម្រិតគ្រោះថ្នាក់នៃជំងឺកូវីដ-១៩គណៈកម្មការអន្តរក្រសួងដើម្បីប្រយុទ្ធនឹងជំងឺកូរី-១៩សូមធ្វើបច្ចុប្បន្នភាពធ្វើចត្តាឡីស័ករបស់ក្រុមគ្រូពេទ្យ និងក្រុមផ្ដល់សេវាជួរមុខនៅតាមមន្ទីរពេទ្យ និងមណ្ឌលព្យាបាល ជំងឺកូវីដ ១៩ ដូចខាងក្រោម៖

១. លើកលែងការធ្វើបត្តាឡីស័កចំពោះក្រុមគ្រូពេទ្យ និងក្រុមល់សេវាជូរមុខដែលបានអនុវត្តតាមវិធានការ សុខាភិបាលខ្ទាប់ខ្លួនក្នុងពេលបំពេញការងារ និងទទួលបានលទ្ធផលតេស្តកូវីដ-១៩.អវិជ្ជមាន PCR (-)ក្រោយបញ្ចប់ភារកិច្ចនៅតាមមន្ទីរពេទ្យ និងមណ្ឌលព្យាបាលជំងឺកូវីដ-១៩ហើយក្រុមគ្រូពេទ្យ និង ក្រុមផ្តល់សេវាជូរមុខទាំងនេះត្រូវបានអនុញ្ញាតឱ្យមានការឈប់សម្រាករយៈពេល ៤ថ្ងៃ មុននឹងវិលចូលបម្រើការងារនៅអង្គភាពដើមវិញ។

២. លើកលែងការធ្វើចត្តាឡីស័កចំពោះក្រុមគ្រូពេទ្យ និងអ្នកផ្តល់សេវាទូទៅដែលមិនមែនជាក្រុមផ្តល់ សេវាជួរមុខ ប៉ុន្តែមានការចាំបាច់ត្រូវធ្វើអន្តរាគមន៍វេជ្ជសាស្ត្រ ដូចជា ការវះកាត់ ឬការផ្តល់សេវានានាដល់អ្នកជំងឺកូដ-១៩ នៅតាមមន្ទីរពេទ្យ និងមណ្ឌលព្យាបាល ក្នុងរយៈពេលខ្លីហើយបានប្រើប្រាស់ សម្ភារៈ និងឧបករណ៍ការពារខ្លួន កម្រិត៣ បានត្រឹមត្រូវ។

៣.ចំពោះក្រុមគ្រូពេទ្យ និងក្រុមផ្តល់សេវាជួរមុខដែលប៉ះពាល់ផ្ទាល់ជាមួយអ្នកវិជ្ជមានកូវីដ-១៩ និងដែលមិនបានអនុវត្តត្រឹមត្រូវតាមវិធានការសុខាភិបាលត្រូវធ្វើចត្តាឡីស័ករយៈពេល៧ថ្ងៃ គិតចាប់ពីថ្ងៃដែលបានប៉ះពាល់ជាមួយអ្នកជំងឺនៅផ្ទះឬនៅតាមទីតាំងដែលបានកំណត់ទុក៕

អត្ថបទ៖ សំអឿន

Related Topics:ក្រសួងសុខាភិបាល