ជីវិតកម្សាន្ដ

ម៉ា ច័ន្ទបញ្ញា ពោលពាក្យបែបនេះក្រោយទទួលបានការបំភ្លឺច្បាស់ៗពីសមត្ថកិច្ច

បានផុស

៥ years មុន

នៅ

ថ្ងៃព្រហស្បតិ៍ ២៣ ធ្នូ ២០២១

ដោយ

ភ្នំពេញ ៖ មហាជនបានដឹងហើយថា តារាចម្រៀងOriginal Songលោក ម៉ា ចន្ទបញ្ញា កាលពីថ្ងៃទី២១ ខែធ្នូ ឆ្នាំ២០២១ បានធ្វើការបង្ហោះនៅលើគណនីហ្វេសប៊ុកផ្ទាល់ខ្លួនដោយភ្ជាប់នឹងសំណួរមួយចំនួនក្រោយរូបលោកត្រូវបានសមត្ថកិច្ចអនុវត្តច្បាប់ចរាចរណ៍ធ្វើការផាកពិន័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គេកត់សម្គាល់ឃើញថា បន្ទាប់ពីមានការបង្ហោះរបស់លោកម៉ា ចន្ទបញ្ញា ពាក់ព័ន្ធនឹងការអនុវត្តច្បាប់ចរាចរណ៍នោះ ក្រុមការងារព័ត៌មាននិងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញក៏បានចេញសេចក្តីបកស្រាយបំភ្លឺនិងឆ្លើយតបទាក់ទងទៅនឹងការផុសរបស់គណនីហ្វេបុកលោក ម៉ា ចន្ទបញ្ញា ភ្លាមៗដើម្បីជាការសម្រាយចម្ងល់និងមន្ទិលទាំងនោះ។

ក្រោយពីទទួលបានការបកស្រាយយ៉ាងច្បាស់ៗពីសមត្ថកិច្ចលោក ម៉ា ច័ន្ទបញ្ញា បានពោលពាក្យបែបនេះថា សូមអរគុណបងៗមន្ត្រីជំនាញដែលបានបកស្រាយជូនប្រជាពលរដ្ឋដូចខ្ញុំបាទបានដឹង។ ខ្ញុំបាទសូមធ្វើការបិទបញ្ចប់រាល់ចម្ងល់ទាំងនេះត្រឹមប៉ុណ្ណេះហើយសូមអរគុណដល់បងៗមន្ត្រីមានសមត្ថកិច្ចទាំងអស់ ដែលបានផ្ដល់នូវការបកស្រាយយ៉ាងក្បោះក្បាយជូនបងប្អូនប្រជាពលរដ្ឋដែលកំពុងមានចម្ងល់ដូចសំណួររបស់ខ្ញុំក្នុងទំព័រនេះ។

លោកបានបន្ថែមទៀតថា រាល់បញ្ហានានាផ្សេងៗ ក្រៅពីចម្ងល់ខាងលើខ្ញុំបាទសូមមិនទទួលខុសត្រូវនោះទេ។ ដោយក្ដីអនុគ្រោះផងចុះ!សូមជូនពរបងៗ សមត្ថកិច្ចដែលកំពុងបំពេញតួនាទីជូនជាតិរបស់យើងហើយក៏សូមជូនពរបងប្អូនប្រជាពលរដ្ឋទាំងអស់ សំណាងល្អ សុខភាពល្អទាំងអស់គ្នា! សូមអរគុណ!៕

ដោយ ៖ ចាន់រ៉ា