ព័ត៌មានអន្ដរជាតិ

ហ្វីលីពីនទិញនាវាចម្បាំងយក្សទំនើប២គ្រឿងពីកូរ៉េខាងត្បូងតម្លៃមិនធម្មតា

បានផុស

៤ years មុន

នៅ

ថ្ងៃពុធ ២៩ ធ្នូ ២០២១

ដោយ

ប្រទេសហ្វីលីពីនបានបញ្ជាទិញនាវាចម្បាំងខ្នាតយក្សថ្មីពីរគ្រឿងពីក្រុមហ៊ុន Hyundai Heavy Industries របស់ប្រទេសកូរ៉េខាងត្បូង។

នេះបើយោងតាមរដ្ឋមន្ត្រីក្រសួងការពារជាតិហ្វីលីពីន លោក Delfin Lorenzana បានឲ្យដឹងកាលពីថ្ងៃអង្គារ៍ ទី២៨ខែធ្នូ ដើម្បីបង្កើនសមត្ថភាពកងទ័ពជើងទឹក ខណៈមានការប្រឈមនឹងប្រទេសចិនជុំវិញសមុទ្រចិនខាងត្បូង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាវាជើងទឹកហ្វីលីពីនបានធ្លាក់ចុះក្នុងរយៈពេលប៉ុន្មានទសវត្សរ៍ចុងក្រោយនេះ សូម្បីតែមាននាវាចម្បាំងអាមេរិកសល់ពីសង្គ្រាមលោកលើកទី២ រហូតដល់សម័យកាលប្រធានាធិបតី Rodrigo Duterte ដែលបន្តវេនពីលោក Benigno Aquino ទើបតែចាប់ផ្តើមបង្កើនទំនើបកម្មតិចតួច។

កិច្ចព្រមព្រៀងកាលពីថ្ងៃអង្គារលើទំហំទឹកប្រាក់៥៥៦លានដុល្លារអាមេរិកជាមួយក្រុមហ៊ុនកូរ៉េខាងត្បូងដើម្បីកសាងនាវាយក្សរយៈពេល៥ឆ្នាំ បន្ទាប់ពីក្រុមក៏ទទួលបានកុងត្រាដើម្បីកសាងនាវាចម្បាំងពីរគ្រឿងសម្រាប់ហ្វីលីពីន។

Corvettes និង Frigates គឺជានាវាចម្បាំងតូចៗដែលមានល្បឿនលឿនត្រូវបានប្រើប្រាស់ជាចម្បងក្នុងការការពារពីការវាយប្រហាររបស់សត្រូវ។

លោក Lorenzana បាននិយាយក្នុងសុន្ទរកថាពីការចុះហត្ថលេខាធិការនៅទីក្រុងម៉ានីលថា ៖«គម្រោងនេះនឹងផ្តល់នាវាចម្បាំងយក្សទំនើបពីរគ្រឿងដល់ហ្វីលីពីនដែលអាចមានសមត្ថភាពប្រឆាំងនឹងនាវាមុជទឹក និងបេសកកម្មសង្គ្រាមប្រឆាំងដែនអាកាស»។

លោកបានបន្តថា ៖«កិច្ចព្រមព្រៀងនឹងធានាពីភាពសាមញ្ញ និងអន្តរប្រតិបត្តិការជាមួយនឹងសព្វាវុធដែលយើងមានស្រាប់ និងងាយស្រួលក្នុងការថែទាំក៏ដូចជាជួសជុល»៕

ប្រែសម្រួល៖ វីរបុត្រ
ប្រភព៖ AFP

Related Topics:ប្រទេសហ្វីលីពីន