ចរាចរណ៍

រថយន្តកុងតឺន័របុករះរថយន្តនិងម៉ូតូកង់បីក្រឡាប់ផ្ងារជើង

បានផុស

៤ years មុន

នៅ

ថ្ងៃសៅរ៍ ៥ កុម្ភៈ ២០២២

ដោយ

រថយន្តកុងតឺន័រមួយគ្រឿងបើកបរក្នុងល្បឿនលឿនមិនប្រយ័ត្នជ្រុលបុករថយន្តសាំយ៉ុងពីក្រោយពេញទំហឹងរុញទៅបុកកង់បីឥណ្ឌាពីក្រោយទៀតបណ្តាលឲ្យក្រឡាប់ផ្ងារជើងនិងធ្វើឲ្យមនុស្សពីរនាក់រងរបួស។

ហេតុការណ៍នេះបានកើតឡើងកាលពីវេលាម៉ោង១០យប់ ថ្ងៃទី០៥ ខែកុម្ភៈ ឆ្នាំ២០២២ នៅចំណុចមុខវត្តអរុវតី តាមបណ្តោយផ្លូវជាតិលេខ៤ ភូមិអូឌឹម សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពព័ត៌មានបានឲ្យដឹងថា មុនពេលកើតហេតុគេបានឃើញរឺម៉កកង់បីឥណ្ឌាពណ៌ស ពាក់ស្លាកលេខភ្នំពេញ1IK 0942 និងរថយន្តសាំយ៉ុងពណ៌ស ពាក់ស្លាកលេខកំពង់ចាប់2A 0638 ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីកើតទៅលិច ខណៈមកដល់ចំណុចកើតហេតុស្រាប់តែមានរថយន្តកុងតឺន័រ ក្បាលពណ៌ខៀវពាក់ស្លាកលេខភ្នំពេញ3D 0508 ធ្វើដំណើរមកពីក្រោយក្នុងល្បឿនលឿនមិនប្រយ័ត្នក៏ជ្រុលបុករថយន្តសាំយ៉ងពីក្រោយពេញទំហឹងបណ្តាលឲ្យរងការខូចខាតនិងរុញបន្តទៅបុករ៉ឺម៉កកង់បីឥណ្ឌាពីក្រោយទៀតបណ្តាលឲ្យក្រឡាប់ផ្ងារជើងនិងធ្វើឲ្យមនុស្សចំនួនពីរនាក់រងរបួសស្រាល។ ក្នុងហេតុការណ៍គ្រោះថ្នាក់ចរាចរណ៍ខាងលើនេះបង្កការកកស្ទះចរាចរណ៍យ៉ាងខ្លាំងផងដែរ។