សេដ្ឋកិច្ច

តម្លៃប្រេងកើនឡើង ផ្សារហ៊ុនធ្លាក់ចុះ ខណៈទ័ពរុស្ស៊ីចូលទៅតំបន់នៅអ៊ុយក្រែន

បានផុស

៣ years មុន

នៅ

ថ្ងៃអង្គារ ២២ កុម្ភៈ ២០២២

ដោយ

តម្លៃប្រេងបានកើនឡើងខ្ពស់បំផុតក្នុងរយៈពេល៧ឆ្នាំចុងក្រោយនេះ ហើយផ្សារភាគហ៊ុនរបស់សហរដ្ឋអាមេរិកធ្លាក់ចុះនៅថ្ងៃអង្គារ៍នេះ នៅពេលផ្នែកខាងកើតអឺរ៉ុបស្ថិតនៅមាត់ទ្វារនៃសង្គ្រាម បន្ទាប់ពីលោកប្រធានាធិបតីរុស្ស៊ី វ្លាឌីមៀរ ពូទីន បានបញ្ជាឲ្យបញ្ជូនកងទ័ពចូលទៅតំបន់ភាគខាងកើតអ៊ុយក្រែន។

ប្រេងឆៅ Brent បានឡើងថ្លៃ៤%ស្មើនឹង៩៧.៣៥ដុល្លារអាមេរិកក្នុងមួយបារ៉ែល។ នេះជាតម្លៃខ្ពស់បំផុតក្នុងរយៈពេល៧ឆ្នាំចុងក្រោយគិតចាប់តាំងពីខែកញ្ញា ឆ្នាំ២០១៤។ ទីផ្សារភាគហ៊ុន S&P 500 បានធ្លាក់ចុះ២% និង Nasdaq បានធ្លាក់ចុះ២.៧%។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចំណែកភាគហ៊ុនអឺរ៉ុបបានធ្លាក់ចុះ១.៣%ទាំងយប់ដែលជាការធ្លាក់ចុះទាបក្នុងរយៈពេល៤ខែចុងក្រោយ ខណៈពេលការប្តូរប្រាក់រូបិយប័ណ្ណរុស្ស៊ីបានធ្លាក់ចុះ ហើយសន្ទទស្សន៍ភាគហ៊ុន MOEX របស់រុស្ស៊ីបានធ្លាក់ចុះដល់ទៅ១០.៥%។

ទីផ្សារភាគហ៊ុនអាមេរិកបានបិទនៅថ្ងៃឈប់សម្រាកកាលពីថ្ងៃចន្ទ។ ចំណែកផ្សារហ៊ុនរបស់អូស្ត្រាលីបានធ្លាក់ចុះ១.៣%ក្នុងការជួញដូរមុននេះ។

កាលពីថ្ងៃចន្ទម្សិលមិញ លោក ពូទីន បានទទួលស្គាល់តំបន់បំបែកពីរនៅភាគខាងកើតអ៊ុយក្រែនជាតំបន់ឯករាជ្យ និងបានបញ្ជាកងទ័ពរុស្ស៊ីឲ្យចូលទៅតាមអ្វីដែលរដ្ឋាភិបាលក្រុងមូស្គូហៅថា ប្រតិបត្តិការរក្សាសន្តិភាពក្នុងតំបន់ ដែលកាន់តែធ្វើឲ្យហានិភ័យនៃការផ្ទុះសង្គ្រាមកាន់តែខ្ពស់៕

ប្រែសម្រួល៖ វីរបុត្រ
ប្រភព៖ Reuters

Related Topics:តម្លៃប្រេង