ព័ត៌មានអន្ដរជាតិ

ប្រទេសមួយប្រឆាំងលោក ពូទីន មិនឲ្យចូលរួមកិច្ចប្រជុំ G20

បានផុស

៤ years មុន

នៅ

ថ្ងៃសុក្រ ២៥ មីនា ២០២២

ដោយ

សង្រ្គាមនៅអ៊ុយក្រែនបានចោទជាសំណួរអំពីការចូលរួមរបស់រុស្ស៊ីក្នុងកិច្ចប្រជុំកំពូលប្រចាំឆ្នាំនៃក្រុមប្រទេស G20 ក្នុងប្រទេសឥណ្ឌូនេស៊ីនៅចុងឆ្នាំនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេដឹកនាំ G20 គ្រោងនឹងជួបប្រជុំគ្នានៅកោះបាលីក្នុងខែវិច្ឆិកា ប៉ុន្តែប្រទេសជាសមាជិកកំពុងត្រូវបានបែងចែកថាតើប្រធានាធិបតីរុស្ស៊ីលោក វ្ល៉ាឌីមៀ ពូទីន គួរតែត្រូវបានអនុញ្ញាតឲ្យចូលរួមឬអត់ ។

ទន្ទឹមនោះ មានប្រទេសមួយដែលប្រឆាំងនឹងលោក ពូទីន ក្នុងការបង្ហាញខ្លួនចូលរួមកិច្ចប្រជុំ G20 នោះគឺអូស្ត្រាលី ។ លោកនាយករដ្ឋមន្ត្រី Scott Morrison និយាយថា កិច្ចប្រជុំកោះបាលីគួរតែធ្វើឡើងដោយគ្មានប្រទេសដែលមានឈ្មោះថាឈ្លានពាន ។

នាយករដ្ឋមន្ត្រីអូស្ត្រាលីលោក Scott Morrison

ការលើកឡើងនេះបានធ្វើឡើង បន្ទាប់ពីឯកអគ្គរដ្ឋទូតរុស្ស៊ីប្រចាំប្រទេសឥណ្ឌូណេស៊ីលោកស្រី Lyudmila Vorobieva បាននិយាយថា លោក ពូទីន មានបំណងមកកាន់កិច្ចប្រជុំកំពូលមួយនេះ ។

ស្របពេលជាមួយគ្នានេះដែរ ប្រទេសចិនកំពុងពេញចិត្តនឹងលោក ពូទីន ឲ្យចូលរួម ។ អ្នកនាំពាក្យក្រសួងការបរទេសនិយាយថា រុស្ស៊ីគឺជាសមាជិកដ៏សំខាន់នៃ G20 ហើយថា គ្មានសមាជិកណាមានសិទ្ធិទាមទារឲ្យដកប្រទេសផ្សេងចេញនោះទេ ៕