ព័ត៌មានអន្ដរជាតិ
រុស្ស៊ីគំរាមរដ្ឋនានាពីផលវិបាក បើបោះឆ្នោតព្យួរខ្លួនពីក្រុមប្រឹក្សាសិទ្ធិមនុស្ស UN
ប្រទេសរុស្ស៊ីបានព្រមានបណ្តាប្រទេសនានានៅអង្គការសហប្រជាជាតិ (UN) ថា ការបោះឆ្នោតយល់ព្រម ឬអនុប្បវាទអំពីការជំរុញរបស់អាមេរិកដើម្បីព្យួររដ្ឋាភិបាលក្រុងមូស្គូពីក្រុមប្រឹក្សាសិទ្ធិមនុស្សនឹងត្រូវបានចាត់ទុកជាកាយវិការមិនល្អដែលនឹងមានផលវិបាកសម្រាប់ទំនាក់ទំនងទ្វេភាគី។
សហរដ្ឋអាមេរិកបាននិយាយកាលពីថ្ងៃចន្ទថា ខ្លួនស្វែងរកការព្យួររុស្ស៊ី បន្ទាប់ពីអ៊ុយក្រែនបានចោទប្រកាន់កម្លាំងទ័ពរុស្ស៊ីពីការសម្លាប់រង្វាលជនស៊ីវិលរាប់រាយនាក់នៅទីក្រុងតូច Bucha របស់ប្រទេសអ៊ុយក្រែន។
មហាសន្និបាតអង្គការសហប្រជាជាតិដែលមានសមាជិក១៩៣រដ្ឋនៅទីក្រុងញ៉ូវយ៉ក សហរដ្ឋអាមេរិក គ្រោងនឹងបោះឆ្នោតព្យួរនាថ្ងៃព្រហស្បតិ៍នេះ។ សំឡេងភាគច្រើន២ភាគ៣នៃសមាជិកបោះឆ្នោត អនុប្បវាតមិនរាប់បញ្ចូលគឺអាចព្យួរប្រទេសមួយបានពីក្រុមប្រឹក្សាសិទ្ធិមនុស្សអង្គការសហប្រជាជាតិពីបទរំលោភសិទ្ធិមនុស្សយ៉ាងធ្ងន់ធ្ងរ និងជាប្រព័ន្ធ។
ក្រុមទូតរុស្ស៊ីនៅ UN បានជំរុញឲ្យប្រទេសនានានិយាយប្រឆាំងនឹងចំណាត់ការដែលប្រឆាំងនឹងរុស្ស៊ី។ វាមិនទាន់ច្បាស់ទេថាតើមានប៉ុន្មានប្រទេសដែលទទួលបានសេចក្តីជូនដំណឹង។
សេចក្តីជូនដំណឹងបាននិយាយថា ៖«គួរបញ្ជាក់ថា មិនត្រឹមតែការគាំទ្រគំនិតផ្តួចផ្តើមបែបនេះទេ ប៉ុន្តែក៏មានជំហរស្មើភាពគ្នាក្នុងការបោះឆ្នោត (អវត្តមាន ឬមិនចូលរួម) នឹងត្រូវបានពិចារណាថាជាកាយវិការមិនល្អ»។
«បន្ថែមលើសពីនេះទៀត គោលជំហរនៃប្រទេសនីមួយៗនឹងត្រូវបានយកមកគិតទាំងក្នុងការអភិវឌ្ឍទំនាក់ទំនងទ្វេភាគី និងក្នុងការងារលើបញ្ហាសំខាន់ៗសម្រាប់ប្រទេសក្នុងក្របខណ្ឌការងារនៅអង្គការសហប្រជាជាតិ»។
បេសកកម្មរបស់រុស្ស៊ីនៅ UN មិនបានអត្ថាធិប្បាយអ្វីជុំវិញលិខិតជូនដំណឹងនោះទេ ពីព្រោះមិនចេញជាសាធារណៈ។ រុស្ស៊ីស្ថិតក្នុងឆ្នាំទី២នៃអាណត្តិ៣ឆ្នាំនៅក្រុមប្រឹក្សាសិទ្ធិមនុស្ស។
ចាប់តាំងពីការវាយប្រហារអ៊ុយក្រែនកាលពីថ្ងៃទី២៤ ខែកុម្ភៈមក មហាសន្និបាតបានអនុម័តដំណោះស្រាយ២លើកហើយដើម្បីថ្កោលទោសរុស្ស៊ីជាមួយនឹងសំឡេងគាំទ្រលើកទី១ចំនួន១៤១សំឡេង និងលើកទី២ចំនួន១៤០សំឡេង។ ទីក្រុងមូស្គូបាននិយាយថា សកម្មភាពរបស់ខ្លួននៅអ៊ុយក្រែនគឺជាប្រតិបត្តិការពិសេសដើម្បីធ្វើឲ្យអ៊ុយក្រែនគ្មានយោធា៕
ប្រែសម្រួល៖ វីរបុត្រ
ប្រភព៖ Reuters
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore