ទង្វើរបស់ Milli ធ្វើឲ្យលោក ប្រាយុទ្ធ អត់ទ្រាំមិនបាន ចេញមកសរសើរពេញៗមាត់

ទោះបីជានាយករដ្ឋមន្ត្រី ថៃ លោក ប្រាយុទ្ធ ចាន់អូចា ធ្លាប់ដាក់ការចោទប្រកាន់លើតារាចម្រៀងរ៉េប Milli ពីបទបរិហារកេរ្តិ៍ កាលពីឆ្នាំមុនក្ដី ប៉ុន្តែពេលនេះលោកបែរមកពោលសរសើរនាងពេញៗមាត់ បន្ទាប់ពីតារាស្រីរូបនេះបានយកបង្អែមបាយដំណើបស្វាយទុំទៅបង្ហាញលើឆាកតន្ត្រី Coachella ។

ប្រមុខរដ្ឋាភិបាលរូបនេះ និយាយថា ដោយសារតែការផ្សព្វផ្សាយរបស់ Milli នៅលើឆាកអន្តរជាតិ បង្អែមបាយដំណើបស្វាយទុំ លក់ដាច់ស្ទើរតែគ្រប់ហាងពាសពេញប្រទេសថៃ កាលពីសប្តាហ៍មុន។

គួររំលឹកថា កាល​ពី​ឆ្នាំ​មុន ប៉ូលិស​បាន​ផាក​ពិន័យ​ Milli ជា​ប្រាក់ចំនួន ២ពាន់បាត ដោយសារតែនាងបាន​រិះគន់​រដ្ឋាភិបាល​ថៃ នៅលើ Twitter ផ្ទាល់ខ្លួន ចំពោះកិច្ចគ្រប់គ្រងស្ថានភាពជំងឺកូវីដ-១៩ មិនបានល្អ។ ហើយថ្មីៗនេះដែរ អំឡុងពេលសម្តែងលើឆាក Coachella នាង Milli នៅតែបន្តរិះគន់រដ្ឋាភិបាលថៃ ដដែល។ ទោះជាយ៉ាងនេះក្ដី លោក ប្រាយុទ្ធ បែរជាសារភាពថាលោកវាយតម្លៃនាងខុស ហើយលោកពិតជាអរគុណដល់តារារ៉េបរូបនេះខ្លាំងណាស់៕

ប្រែសម្រួល៖ សន្យា

ចុចអាន៖ ពិធីការិនីជប៉ុន ហូរទឹកភ្នែក ពេលអានប៉ះចំព័ត៌មាន រុស្ស៊ី​ មួយ (មានវីដេអូ)