ព័ត៌មានអន្ដរជាតិ

លោក ប្រាយុទ្ធ ត្រូវបញ្ជូនចូលមន្ទីរពេទ្យ ខណៈវេជ្ជបណ្ឌិតកំពុងតាមដានអាការរោគ

បានផុស

១ ថ្ងៃ មុន

នៅ

ថ្ងៃអាទិត្យ ៥ មីនា ២០២៣

ដោយ

លោកនាយករដ្ឋមន្ត្រីថៃ ប្រាយុទ្ធ ចាន់អូចា ត្រូវបញ្ជូនទៅកាន់មន្ទីរពេទ្យ Phramongkutklao ភ្លាមៗកាលពីយប់មិញ ដើម្បីពីនិត្យមើលដៃស្តាំដែលហើម ខណៈពេលនេះវេជ្ជបណ្ឌិតកំពុងតាមដានអាការរោគ ក្រោយវិលត្រឡប់ពីខេត្តអាយុធ្យាកាលពីថ្ងៃសុក្រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វេជ្ជបណ្ឌិតផ្ទាល់ខ្លួនរបស់លោកប្រាយុទ្ធ បានទៅដល់គេហដ្ឋានរបស់លោកក្នុងបរិវេណនៃកងវរសេនាធំថ្មើរជើងទី១ ដើម្បីពិនិត្យដៃដែលហើម។ វេជ្ជបណ្ឌិតបានរកឃើញអ្វីខុសប្រក្រតី ហើយត្រលប់មកវិញដើម្បីពិនិត្យស្ថានភាពរបស់លោកម្ដងទៀត ក្រោយមកនាយករដ្ឋមន្រ្តីថៃរូបនេះត្រូវបញ្ជូនទៅមន្ទីរពេទ្យដើម្បីថតកាំរស្មីអ៊ិច និងពិនិត្យយ៉ាងម៉ត់ចត់ដោយបង្ហាញថា ដៃស្តាំរបស់លោករលាកធ្ងន់ធ្ងរ និងតម្រូវឲ្យលេបថ្នាំអង់ទីប៊ីយោទិចសម្រាប់ការព្យាបាល ហើយត្រូវចៀសវាងការធ្វើដំណើរឆ្ងាយ ដើម្បីឆាប់សះស្បើយ។

ប្រភពព័ត៌មានមួយបាននិយាយថា រោគសញ្ញារបស់នាយករដ្ឋមន្ត្រីមានលក្ខណៈស្រដៀងនឹងជំងឺកាល់ស្យូម pyrophosphate deposition disease (CPPD) ប៉ុន្តែវាមិនមែនជាជំងឺប្រគ្រីវទេ។ ទោះយ៉ាងណា ដៃដែលហើមរបស់លោកមិនអាចកម្រើកបានទេ ហើយក្រុមគ្រូពេទ្យបានរុំបង់ដើម្បីទ្រដៃរបស់គាត់។

បើយោងតាមរបាយការណ៍បញ្ចាក់ថា លោកប្រាយុទ្ធសម្រេចលុបចោលការធ្វើដំណើរដែលគ្រោងទុកទៅកាន់ខេត្ត Ratchaburi ព្រមទាំងពន្យារពេលដំណើរទស្សនកិច្ចទៅកាន់ទីក្រុង Songkhla ក្នុងអំឡុងថ្ងៃទី ៨-៩ ខែមីនា ដោយសារតែហើម និងរលាកដៃស្តាំជាមួយនឹងការធ្វើដំណើរផ្សេងទៀតដែលកំពុងពិចារណាដូចគ្នា៕