មុននេះ​សមត្ថកិច្ច​បញ្ចេញវីដេអូ​សកម្មភាព​ក្រុមចោរ៤ នាក់​ចូល​គាស់ទូដែក​ក្នុងរោងចក្រ​នៅខេត្តពោធិ៍សាត់​

សមត្ថកិច្ច​នៅរសៀលថ្ងៃទី ១១ ខែឧសភានេះ បានបញ្ចេញវីដេអូខ្លីមួយបង្ហាញ​សកម្មភាព​ក្រុមចោរចូល​លួចគាស់ទូដែក​ក្នុងរោងចក្រកាត់ដេរ តៃអ៊ីហ្ស៊ី ដែលស្ថិតក្នុងភូមិទទឹង ឃុំអន្លង់ត្នោត ស្រុកក្រគរ ខេត្តពោធិ៍សាត់ ដែលបង្កឡើងដោយ​ជនសង្ស័យមានគ្នាចំនួន០៤នាក់ឡើងទៅ (មិនស្គាល់អត្តសញ្ញាណ)។

សមត្ថកិច្ចបានឲ្យដឹងថា ទឹកប្រាក់ដែលបាត់មានចំនួន ៩៨១,០០០ដុល្លារសហរដ្ឋអាមេរិក នៅសល់លុយខ្មែរ ៩,៧៩១,៥០០រៀល។

សូមជម្រាបថា ក្រុមចោរបានធ្វើសកម្មភាពនៅវេលាម៉ោង១និង៣០នាទីរំលងអាធ្រាត ឈានចូលថ្ងៃទី១០ ខែឧសភា ឆ្នាំ២០២២ នៅចំណុចបន្ទប់គណនេយ្យ ក្នុងរោងចក្រកាត់ដេរ តៃអ៊ីហ្ស៊ី ដែលស្ថិតក្នុងភូមិទទឹង ឃុំអន្លង់ត្នោត ស្រុកក្រគរ ខេត្តពោធិ៍សាត់ ដែលបង្កឡើងដោយជនសង្ស័យមានគ្នាចំនួន០៤នាក់ឡើងទៅ (មិនស្គាល់អត្តសញ្ញាណ)។ ក្រោយធ្វើសកម្មភាព ក្រុមជនសង្ស័យបានរត់គេចខ្លួនបាត់ស្រមោល៕

អត្ថបទ៖ លាន គ្រន