អាមេរិក ឈប់ថ្កោលទោស អ៊ីស្រាអែល ចំពោះការបាញ់សម្លាប់អ្នកកាសែត Al Jazeera (មានវីដេអូ)

រហូតមកដល់ពេលនេះសហរដ្ឋអាមេរិកបានឈប់ធ្វើការថ្កោលទោសទៅលើប្រទេសអ៊ីស្រាអែលហើយពាក់ព័ន្ធនឹងការបាញ់សម្លាប់អ្នកកាសែត Al Jazeera នៅតំបន់ West Bank ។

រយៈពេល ២ ថ្ងៃក្រោយការបាញ់សម្លាប់លោកស្រី Shireen Abu Akleh មនុស្សរាប់ពាន់នាក់បានប្រមូលផ្ដុំគ្នានៅទីក្រុង East Jerusalem សម្រាប់ពិធីបុណ្យសពរបស់អ្នកកាសែតជើងចាស់វ័យ ៥១ ឆ្នាំរូបនេះ ។

អំឡុងពិធីបុណ្យសពនោះក៏មានការវាយប្រហារដោយកងកម្លាំងអ៊ីស្រាអែលទៅលើអ្នកកាន់ទុក្ខលោកស្រី Shireen Abu Akleh ហើយក៏បង្កឲ្យមានការថ្កោលទោសពីអង្គការសហប្រជាជាតិ (UN) ផងដែរ ។

យ៉ាងណាសហរដ្ឋអាមេរិកបានពណ៌នាហេតុការណ៍នោះថា “គួរឲ្យព្រួយបារម្ភ” ទោះបីជាសហរដ្ឋអាមេរិកឈប់ធ្វើការថ្កោលទោសលើអ៊ីស្រាអែលចំពោះអំពើហិង្សានេះក៏ដោយ ។

ទន្ទឹមនោះមេដឹកនាំពិភពលោកក៏អំពាវនាវឲ្យមានការស៊ើបអង្កេតពេញលេញ ឯករាជ្យ និងតម្លាភាពចំពោះការសម្លាប់ទៅលើលោកស្រី Shireen Abu Akleh ដោយទាមទារឲ្យមានអ្នកទទួលខុសត្រូវសម្រាប់ហេតុការណ៍មួយនេះ ។

គួរបញ្ជាក់ថា លោកស្រី Shireen Abu Akleh ជាអ្នកកាសែតជើងចាស់របស់សារព័ត៌មាន Al Jazeera ត្រូវបានបាញ់សម្លាប់ដោយកងកម្លាំងអ៊ីស្រាអែល ខណៈកំពុងផ្សាយការវាយឆ្មក់របស់អ៊ីស្រាអែលនៅក្នុងទីក្រុង Jenin ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ វីដេអូថតជាប់ស្តែងៗ ពេលអ្នកកាសែត Al Jazeera ត្រូវបាញ់សម្លាប់

ចុចអាន ៖ អាមេរិក ថា ប្រទេសអឺរ៉ុប ២ នេះនឹងជាចំណែកបន្ថែមដ៏សំខាន់សម្រាប់ ណាតូ