ព័ត៌មានអន្ដរជាតិ
២ប្រទេស វេតូ មិនឲ្យក្រុមប្រឹក្សាសន្តិសុខ UN ដាក់ទណ្ឌកម្មថ្មី លើកូរ៉េខាងជើង
កាលពីថ្ងៃព្រហស្បតិ៍ទី២៦ខែឧសភា ក្រុមប្រឹក្សាសន្តិសុខអង្គការសហប្រជាជាតិ បានបរាជ័យក្នុងការអនុម័តទណ្ឌកម្មថ្មីដែលគាំទ្រដោយសហរដ្ឋអាមេរិកលើប្រទេសកូរ៉េខាងជើង ដោយសារតែមានការប្រឆាំងពីប្រទេសចិននិងរុស្ស៊ី។
សមាជិក ១៣ ប្រទេសផ្សេងទៀតរបស់ក្រុមប្រឹក្សានេះ បានបោះឆ្នោតគាំទ្រការដាក់ទណ្ឌកម្មសេដ្ឋកិច្ចថ្មី ដើម្បីឆ្លើយតបទៅនឹងការបាញ់សាកល្បងមីស៊ីលផ្លោង និងនុយក្លេអ៊ែររបស់ទីក្រុងព្យុងយ៉ាង។ ប៉ុន្តែឋានៈរបស់ចិន និងរុស្ស៊ីជាសមាជិកក្រុមប្រឹក្សាអចិន្ត្រៃយ៍មានន័យថា ការប្រឆាំងរបស់ពួកគេ គឺជាសិទ្ធិវេតូដ៏មានប្រសិទ្ធភាព ចំពោះពង្រាងសេចក្តីសម្រេចនេះ។
ការបោះឆ្នោត បានកើតឡើងមួយថ្ងៃ បន្ទាប់ពីកូរ៉េខាងជើង ធ្វើតេស្តមីស៊ីលផ្លោងជាបន្តបន្ទាប់ រួមទាំងមីស៊ីលឆ្លងទ្វីប (ICBM) ទំនើបបំផុតរបស់ខ្លួនផងដែរ។
ប្រទេសកូរ៉េខាងជើង ត្រូវបានហាមឃាត់មិនឲ្យធ្វើតេស្តមីស៊ីលផ្លោង និងនុយក្លេអ៊ែរ ក្រោមសេចក្តីសម្រេចជាបន្តបន្ទាប់របស់ក្រុមប្រឹក្សា UN ប៉ុន្តែក្នុងរយៈពេលមួយឆ្នាំកន្លងមកនេះ ទីក្រុងព្យុងយ៉ាង បានធ្វើការសាកល្បងជាច្រើនដង ផ្គើនសហគមន៍អន្តរជាតិ។
ទណ្ឌកម្មដែលបានដាក់ក្នុងសេចក្តីព្រាងអត្ថបទនេះ នឹងកំណត់គោលដៅលើថ្នាំជក់របស់កូរ៉េខាងជើង ក៏ដូចជាឥន្ធនៈរ៉ែ ប្រេងរ៉ែ និងផលិតផលបានមកពីការបិតផ្សេងៗផងដែរ។
ក្រុមប្រឹក្សាបានព្រមានអំពីវិធានការសំខាន់បន្ថែមទៀត បើកូរ៉េខាងជើងបាញ់មីស៊ីលឆ្លងទ្វីបបន្តទៀត ឬការបាញ់បង្ហោះផ្សេងៗដែលរួមចំណែកដល់ការអភិវឌ្ឍន៍ប្រព័ន្ធមីស៊ីលផ្លោង ឬបច្ចេកវិទ្យាដែលមានសមត្ថភាពអាចបាញ់បានចម្ងាយឆ្ងាយ ឬការធ្វើតេស្តនុយក្លេអ៊ែរ៕
ប្រែសម្រួល៖ Vann Vann
ប្រភព៖ AA
ចុចអាន៖ ថ្ងៃនេះ UN នឹងបោះឆ្នោតជំរុញ អាមេរិក ដាក់ទណ្ឌកម្មលើ កូរ៉េខាងជើង បន្ថែមទៀត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ