ព័ត៌មានជាតិ
ខេត្តក្រចេះមានវិទ្យាល័យ ១៣ កន្លែង និងសាកលវិទ្យាល័យរដ្ឋធំមួយផ្តល់ការសិក្សាថ្នាក់ឧត្តម
ការអប់រំថ្នាក់មូលដ្ឋាននៅខេត្តក្រចេះមានការអភិវឌ្ឍមិនចាញ់ខេត្តក្រុងដទៃ ខណៈខេត្តជាប់ដងទន្លេមេគង្គស្ថិតនៅភាគឦសានប្រទេសកម្ពុជានេះ មានថ្នាក់វិទ្យាល័យគ្រប់ស្រុក រួមទាំងសាកលវិទ្យាល័យរដ្ឋដ៏ធំមួយ។
លោក ឡាយ បូរ៉ា ប្រធានមន្ទីរអប់រំ យុវជននិងកីឡាខេត្តក្រចេះបានឲ្យកម្ពុជាថ្មីដឹងថា នៅទូទាំងខេត្តក្រចេះមានវិទ្យាល័យចំនួន ១៣ កន្លែង និងអនុវិទ្យាល័យ ៤២ កន្លែង។ ថ្នាក់វិទ្យាល័យស្រុកខ្លះមាន ២ និងស្រុកខ្លះមានដល់ទៅ ៣ កន្លែង។ ដោយឡែកស្រុកឆ្លូងមានវិទ្យាល័យតែមួយ ដែលទទួលបានការឧបត្ថម្ភពីលោកគាត ឈន់ អតីតឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។
ខេត្តក្រចេះក៏មានសាកលវិទ្យាល័យរដ្ឋដ៏ធំមួយ សម្រាប់ផ្តល់ការបណ្តុះបណ្តាលថ្នាក់ឧត្តមសិក្សាដល់ពលរដ្ឋក្នុងខេត្ត។
សាកលវិទ្យាល័យក្រចេះ ជាគ្រឹះស្ថានឧត្តមសិក្សារដ្ឋទី១ នៅខេត្តក្រចេះ។ សាកលវិទ្យាល័យនេះ ផ្តោតសំខាន់ទៅលើការបណ្តុះបណ្តាលធនធាន មនុស្សលើមុខវិជ្ជាជំនាញឯកទេសកសិកម្ម រួមមានដូចជា ជំនាញដាំដុះ, ជំនាញបសុសត្វ, ជំនាញកែច្នៃកសិ-ឧស្សាហកម្ម, ជំនាញវារីវប្បកម្ម និងទេពកោសល្យជនបទជាដើម។
លោក ឡាយ បូរ៉ា បានបន្ថែមទៀតថា ដោយអនុវត្តតាមគោលនយោយបាយអប់រំដល់មូលដ្ឋាន មន្ទីរកំពុងសិក្សាបង្កើតវិទ្យាល័យថ្មីបន្ថែមទៀតនៅស្រុកសំបូរ រួមទាំងពង្រីកថ្នាក់កម្រិតអនុវិទ្យាល័យនៅតាមឃុំមួយចំនួន ដើម្បីឲ្យសមស្របតាមស្ថានភាពភូមិសាស្រ្តនិងកំណើនសិស្សសិក្សា។
ទាក់ទងការចូលរួមប្រឡងប្រណាំងសាលារៀនស្អាត ដែលផ្តួចផ្តើមឡើងដោយក្រសួងអប់រំ យុវជននិងកីឡា មន្ទីរអប់រំខេត្តបានចូលរួមបំផុសចលនាតាមសាលារៀនទូទាំងខេត្ត ឲ្យយកចិត្តទុកដាក់រៀបចំបរិស្ថានសាលា ដែលជាចំណែកមួយក្នុងការលើកកម្ពស់គុណភាពអប់រំ។
យ៉ាងណាមិញ ក្នុងការចូលរួមប្រឡងប្រណាំងសាលារៀនស្អាតកន្លងទៅ នៅខេត្តក្រចេះមិនទាន់ជាប់ពានរង្វាន់ណាមួយ ប៉ុន្តែដោយសារមានការចូលរួមពីសិស្សានុសិស្ស និងលោកគ្រូអ្នកគ្រូ បានរៀបចំសម្អាតអនាម័យសាលាឱ្យបានល្អប្រសើរ ដើម្បីត្រៀមចូលរួមប្រកួតប្រជែងនៅឆ្នាំបន្តបន្ទាប់។
លោកលើកយ៉ាងដូច្នេះថា បើបរិវេណសាលាមានអំណោយផលល្អ ក៏ជំរុញដល់ការសិក្សារបស់សិស្សានុសិស្ស។ ជាក់ស្តែងលទ្ធផលការប្រឡងបាក់ឌុបឆ្នាំ២០២០-២០២១ នេះ ទូទាំងខេត្តមានសិស្សជាប់និទ្ទេស A ចំនួន ៤៥ នាក់ កើនឡើងលើសឆ្នាំមុនដែលមានត្រឹម ៧ នាក់ប៉ុណ្ណោះ៕
អត្ថបទ៖ ប៊ុណ្ណារ៉ា
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ១២ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២២ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?