ព័ត៌មានជាតិ
សិស្សកម្រិតមធ្យមសិក្សានៅខេត្តប៉ៃលិន ជិត ១០ ភាគរយ បោះបង់ការសិក្សា
ការកាត់បន្ថយអត្រាបោះបង់ការសិក្សាជាអាទិភាពមួយរបស់អាជ្ញាធរខេត្តប៉ៃលិន ខណៈខេត្តមួយនេះមានអត្រាសិស្សបោះបង់ការសិក្សាខ្ពស់បើប្រៀបធៀបខេត្តក្រុងដទៃទៀត។
លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្តប៉ៃលិនបានឲ្យកម្ពុជាថ្មីដឹងថា ខេត្តប៉ៃលិនមានអត្រាសិស្សបោះបង់កម្រិតមធ្យមសិក្សាជិត ១០ ភាគរយ ដែលជាអត្រាមួយខ្ពស់។
លោកតង់ ធារ៉ា បានបញ្ជាក់ថា ការអភិវឌ្ឍលើវិស័យអប់រំត្រូវបានយកចិត្តទុកដាក់ តាមរយៈការកសាងហេដ្ឋារចនាសម្ព័ន្ធសាលារៀននៅតាមជនបទ ដើម្បីសម្រួលការសិក្សារបស់សិស្សអាចស្វែងរកសេវាអប់រំមិនបាច់ធ្វើដំណើរឆ្ងាយពីផ្ទះ។ យ៉ាងណាមិញ អត្រាបោះបង់ការសិក្សារបស់សិស្សក្នុងខេត្តនៅតែមានចំនួនខ្ពស់។
លោកតង់ ធារ៉ា បានអះអាងថា អាជ្ញាធរនិងមន្រ្តីអប់រំនឹងចុះធ្វើការជាមួយអាជ្ញាធរភូមិឃុំ រួមទាំងការជួបជាមួយអាណាព្យាបាល ដើម្បីរិះរកបញ្ហានិងដំណោះស្រាយកាត់បន្ថយអត្រាបោះបង់ថ្នាក់របស់សិស្សឲ្យនៅទាប។
តាមការស្រាវជ្រាវរកឃើញថា ការបោះបង់ការសិក្សារបស់សិស្សនៅតាមជនបទបណ្តាលមកពីកត្តាជាច្រើនដូចជា បញ្ហាថវិកា បញ្ហានៃការធ្វើដំណើរ និងបញ្ហាសេដ្ឋកិច្ចគ្រួសារ។ នៅពេលសឈានដល់ថ្នាក់អនុវិទ្យាល័យជាវ័យអាចស្វែងរកចំណូលទ្រងទ្រង់គ្រួសារ ដែលនាំឲ្យសិស្សមួយចំនួនសម្រេចចិត្តបោះបង់ការសិក្សា។
តាមរបាយការណ៍របស់ក្រសួងអប់រំ យុវជន និងកីឡា នៅទូទាំងប្រទេសអត្រាបោះបង់ការសិក្សានៅថ្នាក់បឋមសិក្សាមានការថយចុះ តែអត្រាសិស្សសិក្សានៅថ្នាក់អនុវិទ្យាល័យ និងវិទ្យាល័យនៅមានចំនួនច្រើននៅឡើយ៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)