ចិន​ នឹង​ធ្វើ​គ្រប់យ៉ាង​ដើម្បី​បង្រួបបង្រួម​ តៃវ៉ាន់​ដោយ​សន្តិវិធី

ប្រទេសចិន នឹងព្យាយាមបង្រួបបង្រួមជាមួយតៃវ៉ាន់ដោយសន្តិវិធី ប៉ុន្តែដំណោះស្រាយយោធានៅតែជាជម្រើសសម្រាប់ការកំញើញ។ នេះបើយោងតាមអគ្គនាយក នាយកដ្ឋានគ្រប់គ្រងអាវុធរបស់ក្រសួងការបរទេសចិន លោក Fu Cong ប្រាប់ទៅសារព័ត៌មាន Sputnik។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបាននិយាយកាលពីថ្ងៃអង្គារទី០២ខែសីហា ក្នុងសន្និសីទត្រួតពិនិត្យលើកទី១០ ស្តីពីសន្ធិសញ្ញាស្តីពីការមិនរីកសាយភាយអាវុធនុយក្លេអ៊ែរ (NPT) នៅអង្គការសហប្រជាជាតិថា “យើងនឹងព្យាយាមឲ្យអស់ពីសមត្ថភាព ដើម្បីបង្រួបបង្រួមប្រទេសរបស់យើង តាមរបៀបសន្តិវិធី។ មូលហេតុដែលយើងមិនបោះបង់ជម្រើសនៃដំណោះស្រាយយោធា គឺដោយសារតែយើងចាំបាច់ត្រូវកំញើញដល់ក្រុមបំបែកខ្លួនដែលមានសក្តានុពល ហើយដើម្បីកុំឲ្យពួកគេធ្វើលឿនពេក”។

លោក Fu បានបន្ថែមថា ទីក្រុងប៉េកាំងជឿជាក់ថា “អាចនឹងមានជម្លោះបន្ថែមទៀត នាពេលអនាគតដ៏ខ្លីខាងមុខ ដោយសារតែស្ថានភាពពិភពលោកកំពុង តានតឹងខ្លាំង”៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ចិន កោះហៅឯកអគ្គរដ្ឋទូតអាមេរិក ដើម្បីតវ៉ាប្រឆាំង ដំណើរទស្សនកិច្ចរបស់លោកស្រី Pelosi